Васко Панчаровски

Од Википедија — слободната енциклопедија
Прејди на прегледникот Прејди на пребарувањето
Роден 1932
Габреш, Костурско,  Грција
Починал 11 април 2009
Торонто,  Канада
Занимање хуманист и општественик

Васко Панчаровски (Габреш, Костурско, 1932 - Торонто, Канада, 11 април 2009) бил канадски и македонски хуманист, еден од најголемите борци за македонските човечки права во дијаспората.[1]

Биографија[уреди | уреди извор]

Панчаровски е роден е во село Габреш, Костурско во 1932 година. Ја доживува голготата на децата-бегалци од Граѓанската војна во Грција, жртви на грчкиот монархофашизам. Живеел во Чехословачка сè до доаѓањето во Канада, а дипломирал историја и географија на Универзитетот во Прага. Придонесот на Панчаровски во борбата за правата на Македонците во соседните земји е огромен. Тој во почетокот на 90тите години на 20 век бил еден од основачите на Македонското интернационално движење за човечки права и иницијатор за формирање на Здружението на децата-бегалци од Егејскиот дел на Македонија на северноамериканскиот континент. Починал во Торонто, Канада на 77 годишна возраст на 11 април 2009 година.[2]

Наводи[уреди | уреди извор]

  1. Ристова, Лилјана. „Кој беше Васко Панчаровски“, Утрински Весник, 22 април (посет. 5 декември 2011 г). (на македонски)
  2. Почина хуманистот Васко Панчаровски“, Дневник, 12 април (посет. 5 декември 2011 г). (на македонски)