Бриг (едреник)

Бриг (англиски: brig) е дрвен едреник со средна големина со два јарбола и едра од крстест тип. На почетокот на 18 век брик бил трговски, а подоцна и воен брод.

Воените брикови имаат депласман од 200 до 700 тони, должина од 26 до 36 м, широчина 6-9, а висина на трупот 4-5 м. Поморски и маневрски својства биле одлични и брзината била до 11 чвора. Повеќе брикови имале 2 јарбола со иста височина, а на нив 3-5 крстести едра.^[1]

Воени брикови имале една накривена палуба со 12-20 топа со калибар до 16 см, со екипаж од 148 луѓе. Користени се за заштита на конвои, извидување и други помошни задачи.

Трговските брикови имале слични димензии како воените, но екипаж од 10-12 луѓе со 2-6 топа. На Јадранското Море во XVIII и XIX век ова бил најчест тип на бродови.

Кон крајот на 19 век брикови исчезнуваат затоа што се заменети со бродови на парен погон.