Асен Тодоров

Од Википедија — слободната енциклопедија
Прејди на прегледникот Прејди на пребарувањето
Асен Тодоров (фотографија од 1960-70)

Асен Тодоров (Скопје, 17 февруари 1913 - Скопје, 11 јануари 1990) бил еден од доајените на македонското новинарство.[1]

Роден е во Скопје каде завршил средно образование. Апсолвирал на Математичкиот факултет во Белград 1937. Бил во раководството на македонските народни студенти; претставник во централното раководство на Универзитетот во Белград, потпретседател на друштвото на напредни македонски студенти „Вардар“, учесник во МАНАПО (Охрид, август 1936), ччлен на КПЈ од 1937. За време на војната учествувал во заднинската дејност, потоа е приклучен во НОВ и ПОЈ. 1936 година „Тихиот“ (негов прекар) ја напишал тогаш меѓу студентите популарната песна „Афион“ (Луч). По војната работел во Поверенството за просвета на владата на Македонија; од 1945 во дописништвото на Танјуг за Македонија е пом. директор и директор; во Радио Скопје-уредник и главен уредник, 1948-1952; во „Нова Македонија“ - уредник и заменик на главниот и одговорен уредник од 1953 до 1963; секретар на Секретаријатот за информаци во Собранието на СРМ, 1964-1970 и до пензионирањето во 1975 година помошник главен и одговорен уредник во „Нова Македонија“. Добитник е на одликувања и наградата за животно дело „Крсте Мисирков“.

Во 1946 година, при формирањето на Здружението на новинари на НР Македонија, Тодоров е избран за еден од двајцата потпретседатели на здружението.

Наводи[уреди | уреди извор]

  1. ibliografija Jugoslavije: knjige, brošure i muzikalije; bibliography of Yugoslavia; books, pamphlets and music. Jugoslovenski bibliografiski institut. 1954.