Амам Саланха (Банско)

Од Википедија — слободната енциклопедија
Прејди на прегледникот Прејди на пребарувањето
Амам Саланха
Општи податоци
Типамам
Стилосманлиска архитекрура
ГрадБанско, Општина Струмица
ЗемјаМакедонија
Почната17 век
Технички податоци
Подна површина25 м2

Амамот Саланха — поранешен амам кој се наоѓал во селото Банско, Општина Струмица.

Амамот билизграден источно од Римската терма и за него не се сочувани податоци од кого е изграден. Поставен е на закосен терен и е со правоаголна основа. Јужната страна на објектот заробена од еродирана земја. Во внатрешноста на амамот е изведен базен длабок 140 см во кој се влегувало со скалички.

Купола лежи на пандантифи со мали кружни отвори кои ја обезбедувале светлоста. Врз куполата во поново време заради оштетувањата и задржување на топлината е изведен лимен покрив поставен врз челична конструкција. Во внатрешноста на амамот изведени се ниши, а мал прозор е присутен на северниот ѕид. Амамот е со димензии 5х5метри и заедно со новите прудружни простории кои се изградени во 1960 година западно од влезот и служат за соблекувална и заедно со нив зафаќа површина од околу 33 метри квадратни.

Димензиите на базенот се: 3,4х3,4 метри, а куполата е со дијаметар од 4 метри, додека дебелината на ѕидовите изнесува 90 см. Висината на влезот е 1,70 см а ширина 70 см. Објектот се снабдувал со термална вода од многуте врела топла и ладна во околината која била доведувана со цевки од извори западно од него.

Имајќи ги предвид конструктивните елементи во ентериерот близината на врелата кои се наоѓат во близина на амамот и големината не се исклучува можноста дека првобитно амамот бил граден како семеен во 17 век[1].

Наводи[уреди | уреди извор]

  1. ЗАВОД ЗА ЗАШТИТА НА СПОМЕНИЦИТЕ НА КУЛТУРАТА И МУЗЕЈ – СТРУМИЦА (2014). ЗБОРНИК НА ТРУДОВИ ВО СПОМЕН НА ЕМИЛИЈА ПЕТКОВСКА.