Агрокор

Од Википедија — слободната енциклопедија
Прејди на: содржини, барај

Агрокот (хрватски: Agrokor) - хрватско акционерско друштво во областа на производството на храна и во трговијата, со седиште во Загреб. Во 2017 година, фирмата вработувала 60.000 лица и имала годишен приход во висина од 15% од хрватскиот БДП.[1]

Операции[уреди | уреди извор]

„Агрокор“ претставува конгломерат кој поседува дури 24 претпријатија во неколку земји од Централна и Источна Европа, како и на просторите на поранешната СФРЈ. Така, во 2014 година, „Агрокор“ го купил словенечкиот синџир на продавници „Меркатор“.[2]

Финансиски резултати[уреди | уреди извор]

Пролетта 2017 година избил голем финансиски скандал, кога било обелоденето дека фирмата не може да ги врати земените кредити и не може да ги исплаќа обврските кон своите добавувачи. Претходно, во јануари 2017 година, агенцијата „Мудис“ го намалил кредитниот рејтинг на „Агрокор“ од В2 на В3, а веројатноста за неисполнување на обврската била намалена од нивото В1-PD на B3-PD.[3] Притоа, поради големината на „Агрокор“ и поради неговото значење за хрватската економија, во април 2017 година, хрватскиот Сабор донесол специјален закон за регулирање на обврските на „Агрокор“ (Закон за системски важни компании), кој врз таа основа бил ставен под принудна управа со решение на трговскиот суд во Загреб. Со законот било предвидено привремениот управник Анте Рамљак да ја санира фирмата во период од 12 до 15 месеци, а за таа цел била ангажирана познатат меѓународна компанија за преструктурирање „Алварез и Маршал“ (Alvarez & Marshall).[4]

официјално мрежно место[уреди | уреди извор]

Официјална интернет-страница на „Агрокор“

Наводи[уреди | уреди извор]

  1. Игор Давков, „Агрокор стана премногу голем за да пропадне ("Too Big to fail"). Што понатаму?“, Економија и бизнис, година 19, број 227, мај 2017, стр. 36.
  2. Игор Давков, „Агрокор стана премногу голем за да пропадне ("Too Big to fail"). Што понатаму?“, Економија и бизнис, година 19, број 227, мај 2017, стр. 36.
  3. Игор Давков, „Агрокор стана премногу голем за да пропадне ("Too Big to fail"). Што понатаму?“, Економија и бизнис, година 19, број 227, мај 2017, стр. 37.
  4. Игор Давков, „Агрокор стана премногу голем за да пропадне ("Too Big to fail"). Што понатаму?“, Економија и бизнис, година 19, број 227, мај 2017, стр. 36.