Црна Чука

Црна Чука
Поглед на Црна Чука од југ
Висина	&100000000000025720000002.572 м
Место	Македонија
Венец	Кораб
Прво освојување	непознато

Црна Чука — врв во северниот дел на главниот срт на протегање на планината Кораб во Македонија. Неговата височина изнесува 2.572 метри^[1].

Местоположба[уреди | уреди извор]

Се наоѓа во северниот дел на планината на главниот срт, во непосредна близина на границата меѓу Македонија и Албанија, односно на нејзината гранична линија. Според местоположбата на врвот Црна Чука се наоѓа на координатите 41°47'52" северна географска широчина и 20°34'44" источна географска должина^[1], западно од селaта Нистрово^[2] и Жужње над караулата „Победа“ и долината Беланџа во најгорниот дел на долината на Радика. Поточно, врвот Црна Чука е сместен непосредно на север од врвот Кепи Бард (2589 м) и непосредно на југ од Бел Врв (2532 м.) и преслапот Голема Корапска Врата, кон исток се отвора долот Беланџа во најгорниот дел на долината на Радика, а кон запад длабокиот дол под Радомир во Албанија. Се одликува со многу впечатлив грамаден изглед со стрмни падини помеѓу врвовите Кепи Бард и Бел Врв меѓу чиишто бели карпи и сипари (камењари) особено се истакнува со своите црни и темни карпи на западната падина до самиот врв. Токму заради изразитите и впечатливи црни грамадни карпи (веројатно од гранит) и зашилениот облик на каменит врв (чука), најверојатно врвот го добил името Црна Чука. Помеѓу врвот Црна Чука и Бел Врв постои груб карпест дробински материјал и се нарекува камено море, кој настанува како последица на физичкото распаѓање и разорување на карпестите маси^[1]. До врвот Црна Чука може да се пристапи и искачи почнувајќи по добро обележаната планинарска патека која започнува од караулата „Победа“ и води до највисокиот врв Голем Кораб, по која се одвива традиционалното искачување, при што во пределот Нистровски Кораб непосредно пред Кепи Бард се скршнува десно кон север и по разгазената необележана граничарска патека се достигнува до подножјето на врвот Црна Чука. На самиот врв Црна Чука постои кота односно пирамида изградена од бетон, која го означува врвот.

Галерија[уреди | уреди извор]

Поглед на врвот Црна Чука
Поглед на врвот Црна Чука од југ
Поглед кон Црна Чука од Нистровски Кораб
Поглед кон Црна Чука од Кепи Бард
Поглед кон Црна Чука од Голем Кораб
Поглед на врвот Црна Чука непосредно од југ
Поглед на Црна Чука
Поглед на Црна Чука

Наводи[уреди | уреди извор]

↑ ^1,0 ^1,1 ^1,2 Светозар Петковски, Драган Василевски, Владо Матевски, Claudio Orlandini и 28 други автори (2011). „Студија за ревалоризација на заштитено подрачје Маврово“ (PDF). Министерство за животна средина и просторно планирање. Посетено на 7 ноември 2017.CS1-одржување: повеќе имиња: список на автори (link)
↑ Петрушевски, Илија (2012). Попис на врвовите во Република Македонија. Тетово: Хартија Комерц. стр. 13.

[Маврово-1] 1,0 ^1,1 ^1,2 Светозар Петковски, Драган Василевски, Владо Матевски, Claudio Orlandini и 28 други автори (2011). „Студија за ревалоризација на заштитено подрачје Маврово“ (PDF). Министерство за животна средина и просторно планирање. Посетено на 7 ноември 2017.CS1-одржување: повеќе имиња: список на автори (link)

[2] Петрушевски, Илија (2012). Попис на врвовите во Република Македонија. Тетово: Хартија Комерц. стр. 13.

[1]

[2]