Од Википедија — слободната енциклопедија
Тасманова Планина (англиски: Mount Tasman) или Хорокоау (маорски: Horokoau) — втора највисока планина во Нов Зеланд, со височина од 3497 метри. Таа е дел од Јужните Алпи на Јужниот Остров, 4 километри северно од нејзиниот поголем сосед Куковата Планина (Аораки). За разлика од Куковата, Тасмановата Планина лежи на главната новозеландска разделница, на границата помеѓу националниот парк Аораки/Кукова Планина и националниот парк Вестленд. Планината е највисокото место во округот Вестленд.