Сенки (филм)
| „Сенки“ | |
 Филмски постер на македонски јазик |
|
| Режирано од | Милчо Манчевски |
|---|---|
| Продуцент | Милчо Манчевски Амедео Пагани Корина Мехнер Нермин Гладерс Мартин Хусман Димитар Гочев Герардо Хереро Мариела Бесуиевски Томас Вудро |
| Сценарист | Милчо Манчевски |
| Настапуваат | Борче Начев Салаетин Билал Весна Станојевска Сабина Ајрула-Тозија Ратка Радмановиќ Петар Мирчевски Илко Стефановски Владимир Јацев Гоце Влахов Филарета Здравковиќ |
| Музика | Рајан Шор |
| Кинематографија | Фабио Чанкети |
| Монтажа | Дејвид Реј Мартин Левенстин |
| Дистрибутер | Bavaria Film International |
| Премиера |  9 септември 2007 2 ноември 2007 |
| Времетраење | 120 мин[1] 129 мин[2] |
| Држава | Македонија |
| Јазик | Македонски |
| Буџет | €4,600,000 |
Сенки (англиски: Shadows) е македонски филм од 2007 година, режиран, продуциран и напишан од страна на Милчо Манчевски.[1] Сниман е на повеќе локации во Скопје, Охрид и неколку други места низ Македонија. Сенки беше македонски кандидат за номинација за Оскар на 80тото доделување на наградите на Академијата, но истиот не влезе меѓу петте номинирани.[3][4]
Содржина |
Содржина [уреди]
Успешен млад доктор, Лазар Перков, оженет за прекрасна жена со која има дете. Тој има сè – дури и неговите пријатели и роднини го нарекуваат „Лаки“. Но, изгледот некогаш залажува; и покрај сите земски задоволства, Лазар константно се обидува да ги задоволи своите мајка, татко и незаинтересирана сопруга. Секој ден му е ист, сè додека еден ден едвај преживува тешка сообраќајна несреќа.
По закрепнувањето, Лазар се соочува со луѓе кои наизглед умираат повеќе пати, и секогаш ја носат истата порака: „Врати го она што не е твое. Имај почит.“ Откако Лазар сфаќа дека овие негови привидувања не се само соништа, туку дел од секојдневниот живот, тој доаѓа до заклучок дека тие се изгубени души кои сè уште не нашле мир во другиот свет, и успева да открие што всушност треба да врати.
Улоги [уреди]
| Актер/ка | Улога |
|---|---|
| Борче Начев | Д-р Лазар Перков |
| Салаетин Билал | Герасим |
| Весна Станојевска | Менка |
| Сабина Ајрула-Тозија | Д-р Вера Перкова |
| Ратка Радмановиќ | Калина |
| Петар Мирчевски | Благојче |
| Илко Стефановски | Д-р Карпузовски |
| Владимир Јачев | Д-р Шишкин |
| Гоце Влахов | проф. Кокале |
| Филарета Здравковиќ | Гордана |
| Диме Илиев | Игњат Перков |
Реакции и рецензии [уреди]
Филмот своја премиера доживува на Меѓународниот филмски фестивал во Торонто, а прикажан е и на уште неколку други познати фестивали. Во основа, истиот е добро прифатен, при што еден филмски критичар има изјавено дека истиот е „најамбициозниот филм на Манчевски до денес“. Патрик Мек Гевин од Screen Daily вели дека Сенки е „гламурозен и уредно среден [и дека Манчевски…] има добро око за композиција, водено од сензуалната, убава фотографија на италијанскиот кинематограф Фабио Чанкети.” Како особен квалитет на филмот Мек Гевин ја издвојува и „заводливата, откривачка улога на живата, особено привлечна млада актерка Весна Станојевска, професионален музичар во своето филмско деби. Таа на филмот му вбгризува особен еротски интензитет”.[5] За режисерот на филмот, пак, Милчо Манчевски, Сенки „е приказна за односот кон ближниот свој“[6]. Заедно со Балкан-кан, Сенки е најгледаниот филм во македонските кина. [се бара извор]
Види исто [уреди]
Белешки [уреди]
- ↑ 1,0 1,1 „Сенки“. Интернет Филмска База на податоци. http://www.imdb.com/title/tt0834102/. проверено на 2008-09-16.
- ↑ „Shadows: Film Info (Информации за „Сенки“ на официјната страница)“. Bavaria Film International. http://www.bavaria-film-international.de/htmls/bfi/index.php?site=program_info&id=236. проверено на 2008-09-16.
- ↑ „Рекордни 63 земји се надеваат на номинација за Оскар за најдобар филм“. Yahoo! Movies. 2007-10-17. http://oscars.movies.yahoo.com/news/iw/20071018/1355.html. проверено на 2008-07-04.
- ↑ Стивен Гајдос (2008-01-15). „Трката за Оскар за најдобар странски филм се пожешка“. Variety. http://www.variety.com/awardcentral_article/VR1117979064.html?nav=news&categoryid=1982&cs=1. проверено на 2008-07-04.
- ↑ Патрик Мек Гевин (19 септември 2007). „Сенки“. Screen Daily. http://www.screendaily.com/ScreenDailyArticle.aspx?intStoryID=34689. проверено на 2008-09-15.
- ↑ Александра Бубевска. „Гламурозна премиера на „Сенки““. А1 телевизија. http://www.a1.com.mk/vesti/default.aspx?VestID=85720. проверено на 2008-09-16.
Надворешни врски [уреди]
- Официјалнa веб-страница на „Сенки“
- Сенки на Интернет Филмската База на податоци.
- Сенки на Меѓународниот Филмски Фестивал во Торонто од 2007 година.
- Сенки на Yahoo! Movies.
|
|||||||
