Мајки (филм)

Од Википедија — слободната енциклопедија
Прејди на: содржини, барај
„Мајки“
Mothers poster.jpg
Режирано од Милчо Манчевски
Продуцент Кристина Калас
Сценарист Милчо Манчевски
Кинематографија Владимир Самоиловски
Монтажа Жаклина Стојчевска
Премиера 12 септември 2010 (2010-09-12)
Држава Македонија
Јазик македонски
Буџет 1.500.000 €[1]

Мајки е македонски филм од 2010 година во режија и сценарио на Милчо Манчевски. „Мајки“ бил македонскиот кандидат за номинација за "Оскар" на 83. доделување на наградите на Академијата.[2]

Содржина[уреди | уреди извор]

Филмот е своевиден триптих, во чиј состав влегуваат три различни и една од друга сосема независни приказни. Првата приказна се одвива во Скопје, а во фокусот се две деветгодишни девојчиња, кои решаваат да пријават манијак во полиција, иако воопшто не го виделе. Поради нивната лага, полицијата приведува еден невин човек.

Втората приказна се одвива во Мариово: новинарска eкипа, составена од новинар, камерманка и снимач на звук, снима документарен филм за животот во напуштените села во Македонија. Така, тие се среќаваат со единствените жители на едно напуштено село - брат (го игра Билал) и сестра (ја игра Радмановиќ) на околу 80-90 години, кои се скарани од нивната младост и кои не попуштаат да се помират и покрај тоа што се целосно осамени и во селото и во животот. Дури кога братот умира, старата и немоќна сестра, со помош на камерманката (ја игра Стојановска), се обидува да му ископа гроб во тврдата земја.

Третата приказна е фактографска и овој дел од филмот е со документарен карактер. Станува збор за приказна за познатиот македонски сериски убиец - новинарот Владо Танески од Кичево, кој бил осуден за силување и убиство на пензионирани чистачки. Притоа, се прикажуваат искажувањата на блиските роднини и пријатели на жртвите, но и на сопругата на Танески.

Филмот „Мајки“ бил сниман на повеќе локации низ Македонија: Скопје, Мариово, Кичево, Тетово и Гостивар. Монтажата на филмот се вршела во неколку постпродукциски студија во Париз, Лондон и Минхен. Филмот започнал да се прикажува во 2010 година.[3][4]

Улоги[уреди | уреди извор]

Наводи[уреди | уреди извор]

  1. Mothers (2010) on imdb.com
  2. „Мајки“ е македонскиот избор за Оскар
  3. „Реален поглед на мрачниот современ свет“, Антена, број 750, 9.11.2012, стр. 3.
  4. Антена, број 869, 20.2.2015, стр. 22.
  5. "Реален поглед на мрачниот современ свет", Антена, број 750, 9.11.2012, стр. 3.

Надворешни врски[уреди | уреди извор]