Килобајт
Килобајт (од англ. kilobyte) е содржател на единицата за дигитални податоци бајт. Според Меѓународниот систем на мерни единици (SI), Префиксот „кило“ значи 1000, па затоа 1 килобајт е еднаков на 1000. Симбол на оваа единица е кБ[1] (kB) или кбајт (kbyte).
|
|
||||
|---|---|---|---|---|
| Децимални SI-префикси | Бинарни IEC-префикси | |||
| Назив (симбол) |
Стандард (SI) |
Бинарна примена |
Назив (симбол) |
Вредност |
| килобајт (кБ) | 103 | 210 | кибибајт (КиБ) | 210 |
| мегабајт (МБ) | 106 | 220 | мебибајт (Миб) | 220 |
| гигабајт (ГБ) | 109 | 230 | гибибајт (ГиБ) | 230 |
| терабајт (ТБ) | 1012 | 240 | тебибајт (ТиБ) | 240 |
| петабајт (ПБ) | 1015 | 250 | пебибајт (Пиб) | 250 |
| ексабајт (ЕБ) | 1018 | 260 | ексбибајт (ЕиБ) | 260 |
| зетабајт (ЗБ) | 1021 | 270 | зебибајт (ЗиБ) | 270 |
| јотабајт (ЈБ) | 1024 | 280 | јобибајт (ЈиБ) | 280 |
| Поврзано: Содржатели на битот · Величински редови на податоците | ||||
Во некои полиња на информатиката е вообичаено под „килобајт“ се се подразбираат 1024 (210) бајти .[2][3][4] Сите организации за стандардизација го сметаат ова за неисправно и го промовираат новиот префиксен систем утврден од Меѓународната електротехничка комисија, според кој вакво значење има кибибајтот, а пак „килобајтот“ има 1000. Овој нов стандард сè уште нема најдено широка примена, особено поради постојаниот отпор во некои полиња на информатиката, каде новите префикси се сметаат за неестетски.[5][6]
[уреди] Двосмисленост
Главна статија: „И покрај префиксите утврдени по Меѓународниот систем на мерни единици, големината на килобајтот отсекогаш била двосмислена. Електронските кола за складирање на податоците имаат бинарна архитектура, што значи дека бројот на упатни места складирање се изразува со степен на основа 2, па така големината на складиштето не претставува целоброен содржател 1000, туку на 1024. Меѓутоа, бидејќи 1024 (210) е приближно на 1000, најзгодно било да се користи префиксниот симбол к (кило), кој подоцна се одомаќинил. Од друга страна, постојат производи чии фактори на капацитет не можат да се изразат со степен на основа 2. Вакви се магнетните дискови (број на сектори и виуги) и мрежната опрема (битови стапки). За нив се користат строго децимални единици.
За децималните (деливи со 1000) и бинарните (деливи со 1024) вредности ги користат следниве префикси, зависно од контекстот:
- 1000 бајти (103): Ова толкување го препорачуваат сите меѓународни организации за стандардизација како IEC, IEEE и ISO,[7] со кратенката „кБ“. Оваа единица наоѓа честа примена кај количините што не се засноваат на степен основа на 2, како битовите стапки. Исто така ова толкување наоѓа примена кај складишните количини на јадрото на Linux[8] и Mac OS X 10.6.[9]
- 1024 бајти (210): Со оваа единица се изразуваат количини што се засноваат на степен со основа 2, како на пр. складишните чипови. Програмите како Microsoft Windows[10] исто така ги изразуваат капацитетите на складирање во 1024 бајти. Иако употребата на килобајтот за овој износ е доста присутна, овој пристап е строго забранет од SI-системот[11] и другите организации за стандаризација. За количината „1024 бајти“, се препорачува единицата кибибајт (КиБ).[12][7] Меѓутоа JEDEC сепак ги користи префиксите кило, мега и гига со бинарно значење.
[уреди] Поврзано
[уреди] Наводи
- ↑ „Поимник на македонски зборови од областа на информатичката технологија“. Министерство за информатичко општество на РМ. стр. 22. http://www.mio.gov.mk/files/pdf/POIMNIK.pdf. проверено на 17 ноември 2010. (македонски)
- ↑ http://www.askoxford.com/concise_oed/kilobyte?view=uk
- ↑ http://www.merriam-webster.com/dictionary/kilobyte
- ↑ http://dictionary.reference.com/browse/kilobyte]
- ↑ http://www-cs-staff.stanford.edu/~knuth/news99.html
- ↑ http://www.codinghorror.com/blog/2007/09/gigabyte-decimal-vs-binary.html
- ↑ 7,0 7,1 IEEE Std 260.1-2004, IEEE - стандардни азбучни симболи за мерни единици (SI-единици, американско-британски единици и извесни други единици), Преработка на IEEE Std 260.1-1993 (IEEE, Њујорк, 2004) (англиски)
- ↑ Напис за јадрото на Linux во кој се најавува промената (англиски)
- ↑ „Како Mac OS X го изразува капацитетот на складишните уреди“. Apple Inc. 27 август 2009. http://support.apple.com/kb/TS2419. проверено на 17 октомври 2009. (англиски)
- ↑ http://support.microsoft.com/kb/90994
- ↑ Меѓународен систем на мерни единици (SI), VII издание, 1998, оддел 3.1, стр. 103, странична белешка
- ↑ Префикси за бинарни содржатели — NIST-ов прирачник за константи, единици и несигурност (англиски)
|
||||||||||||||||||||
