Звонко Богдан

Звонко Богдан во својот препознатлив стил

Звонко Богдан (5 јануари 1942 во Сомбор) е истакнат изведувач на народни тамбурашки и староградски песни од Војводина, Србија. Освен тоа што е славен пејач, тој е и композитор, сликар и џокеј, и ужива имиџ на боем и џентлмен. Живеел во Виена за време на 1990-тите години, и се вратил во Војводина по падот на Слободан Милошевиќ. Сега живее во Суботица.

Биографија

Звонко Богдан е роден во Сомбор, кој во тоа време бил под унгарска окупација (Втора Светска војна), во семејство Буњевци.

Пее како негови така и традиционални песни (особено буњевски) во придружба на тамбураши. Некои од песните ги компонирал самиот (како Хеј салаши на северу Бачке). Има и песни на унгарски и ромски.

На неговите изведби го придружуваат ансамблите „Тамбурашки оркестар Јанике Балажа“ од Војводина и „Загребачки тамбураши“ од Хрватска. Звонко Богдан е сѐ уште многу активен и изведува во Војводина и Хрватска, како и ширум светот каде живеат луѓе од тие краишта.

Некои од неговите најпопуларни песни се:

• „Хеј салаши на северу Бачке“
• „Осам тамбураша с Петроварадина“
• „Већ одавно спремам свог мркова“
• „Не вреди плакати“
• „Говори се да ме вараш“
• „Крај језера једна кућа мала“
• „Фијакер стари“
• „Прошле су многе љубави“
• „Ко те има, тај те нема“
• „У Сомбору педесет и неке“
• „У тем Сомбору“
• „Купићу ти ципелице“

Дискографија

• 1973: „Звонко Богдан“
• 1973: „Бисери народне музике“
• 1974: „Звонко Богдан пева за Вас“
• 1976: „Што се боре мисли моје“
• 1981: „Звонко Богдан и тамбурашки оркестар Јанике Балажа“
• 1984: „Леголас“
• 1980: „Звонко Богдан“
• 1984: „Песме и песници“
• 1990: „Звонко Богдан“
• 2001: „Живот тече у лаганом ритму“
• 2003: „Раритети“

Музика

• Осам тамбураша с Петроварадина

  Звонко Богдан и тамбурашки оркестар

  Пролазе ноћи, мучим се ја

  Звонко Богдан и тамбурашки оркестар

• Не можете да ја чуете снимката? Видете помош со снимки.

Поврзано

• Јаника Балаж
• Староградска музика
• Тамбура