Градинарска стрнарка

Од Википедија — слободната енциклопедија
Прејди на: содржини, барај
Градинарска стрнарка
Заштитен статус
Научна класификација
Царство: Животни
Колено: Хордови
Класа: Птици
Ред: Врапчевидни
Фамилија: Стрнарки
Род: Emberiza
Вид: Градинарска стрнарка
Биномен назив
Emberiza hortulana
Linnaeus, 1758
Emberiza hortelano - јајца

Градинарската стрнарка или градинарската овесарка (науч. Emberiza hortulana) е врапчевидна птица овесарка од фамилијата на стрнарките Emberizidae, група, која современите авторитети ја издвоија од фамилијата на зебите Fringillidae. Распространета е речиси низ цела Европа и западна Азија, вклучувајќи ја и Македонија. Таа е птица преселница која зимува во тропска Африка.

Опис[уреди]

E hortulana женка
E hortulana мажјак

Градинарската стрнарка е долга 16 см и тежи 20-25 грама, а по надворешен изглед личи на жолтогрлата стрнарка, но ѝ недостасува светлата обоеност. На пример, главата на градинарската е зеленикавосива, немасто светложолта. Песната е слична, монотоно чрчорење.

Однесување[уреди]

Живеалиштето на оваа птица се нивите, ораниците, полињата со пченка и сл. Живее и во лозовите насади, но не се храни со грозје.

Гнездото го сместува на земја или во грмушка близу до земја, а јајцата се прошарани со линии слични на влакненца. Обично се храни со семиња, но додека ги храни младенчињата се храни со инсекти.

Гастрономија[уреди]

Во Франција, оваа птица се смета за специјалитет. Еден начин за брзо гоење на птицата е со затварање во темна кутија со просо, што ја принудува да се храни постојано.

Ритуалот на јадење, пак, бил да ја покријат главата и лицето со голема салфетка и на тој начин да се почувствува полниот вкус и мирис на храната. [2]

Исто така, во 1996 година, прошталната вечера на Франсоа Митеран содржела специјално подготвена ваква птица.[3]

Ловот на градинарската стрнарка е забранет во Франција 1999 година, но законот слабо се применувал и се смета дека околу 50.000 птици биле убиени секоја година. Во 2007 година, под притисок на Француската лига за заштита на птиците и Европската унија, француската влада вети дека ќе се спроведе директивата на ЕУ за заштита на оваа птица.[4][5]

Наводи[уреди]

Надворешни врски[уреди]