Гистав Моро

Од Википедија — слободната енциклопедија
Прејди на: содржини, барај
Гистав Моро
Gustave Moreau

Автопортрет на Гистав Моро (1850)
Роден 6 април 1826(1826-04-06)
Париз
Починал 18 април 1898(1898-04-18) (на 72 год.)
Париз
Националност Французин
Поле сликарство
Обука Франсоа Едуар Пико
Правец симболизам
Повлијаен од Теодор Шасерио

Гистав Моро (француски: Gustave Moreau; 6 април 182618 април 1898) — француски симболистички сликар посветен на теми од библиски и митолошки карактер. Имал влијание врз творештвото на симболистичките книжевници.

Биографија[уреди]

Моро е роден во Париз. Татко му бил архитект, кој благовремено ја препознал дарбата кај сина си, па го пратил да се обучува. Најпрвин учел сликање кај Франсоа Едуар Пико, а потоа се спријателил со Теодор Шасерио, чиј стил влијаел и на неговиот. Во текот на 25 години имал близок, и веројатно љубовен однос со Аделаида Александрина Дире, која ја нацртал на неколку наврати.[1] Прва слика му била „Пиета“, денес сместена во катедралата во Ангулем. На Парискиот салон во 1853 г. ги изложил сликите „Сцена од Песна над песните“ и „Смртта на Дариј“. Истата година зел учество на Светската изложба со „Атињаните со Минотаурот“ и „Мојсеј ги собува сандалите кога ја здогледува Ветената Земја“.

Делото „Едип и сфингата“ претставува едно од првите симболистички слики во историјата на уметноста. Прв пат во јавноста е изложена на Парискиот салон во 1864, а денес е дел од редовната збирка на музејот Метрополитен во Њујорк.[2]

Во 1891 г. Моро станал професор на Ликовната академија (École des Beaux-Arts) во Париз каде, меѓу останатите, предавал и на фовистичките сликари Анри Матис и Жорж Руоло. Кај него се школувале и Жил Фландрен, Теодор Палади и Леон Прентамп.

Починал во Париз и погребан е на Монмартрските гробишта.

Во текот на својот творечки живот, Моро изработил над 8.000 слики, акварели и цртежи. Многу од нив се изложени во Националниот музеј „Гистав Моро“ во на улицата Рошфуко (IX округ) во Париз. Музејот е сместен во неговото поранешно ателје и отворен е во 1903 г. По неговите простории честопати шетал писателот Андре Бретон, кој го сметал Моро за предвесник на надреализмот.

Галерија[уреди]

Наводи[уреди]

  1. Kaplan, Julius (1974). „Gustave Moreau“. Little Brown & Company. стр. 7, 55. ISBN 0-8212-0628-1. 
  2. Winkfield, Trevor (April 2012). „A Letter to Bryan Osburn from Trevor Winkfield“. „The Brooklyn Rail“. http://brooklynrail.org/2012/04/artseen/a-letter-to-bryan-osburn-from-trevor-winkfield. 

Надворешни врски[уреди]