Вестерн унион

Лого на Вестерн унион 2019

Вестерн унион (англиски: Western Union) — американска компанија која обезбедува финансиски и комуникациски услуги. Компанијата има повеќе од 160-годишна историја, повеќе од 500.000 агенти, со локации во повеќе од 200 земји и територии. Основана е во 1851 година во Њујорк и Мисисипи како компанија за печатење телеграфи, додека денес таа е развиена со многу иновативни услуги, како премостување на празнини во секторот на финансиските услуги. Вестерн унион ги врши следниве услуги:

• испраќање и примање на пари;
• при-пејд услуги и парични налози (money orders);
• плаќање на сметки; и други
• бизнис решенија;

Испраќање и примање на пари

Без разлика дали клиентите се во САД, Африка или во некој друг дел од светот, тие можат да испраќат и примаат пари преку Вестерн унион, и тоа се прави многу лесно, се разбира поради големата мрежа на агенти на Вестерн унион. Во многу земји се обезбедени и други опци за испраќање на пари, како што се он-лајн или по телефон, со помош на кредитна или дебитна картичка. Исто така, кога станува збор за добивање на парите, постојат неколку опции во зависност од локацијата, а тоа се:

• прeстојувалиште на клиентот;
• жиро-сметка;
• при-пејд картички;
• т.н. wallet account - паричник-сметка, порзана со мобилен телефон

При-пејд услуги и парични налози

Услугите трансфер на пари и плаќање на сметките се надополнети со разновидни припејд услуги, вклучувајќи надополнувачки при-пејд картички, телефонски картички и парични налози. При-пејд картичките на клиентите им овозможуваат:

• директен депозит од работодавецот;
• можност да се контролират парите онлајн;
• повлекување на пари од банкомат;
• онлјан купување насекаде каде е прифатена дебитната картичка.

Плаќање на сметките

Платежната функција на Вестерн унион е многу сигурен начин за клиентите да направат исплати на илјадници приматели, вклучувајќи ги и комуналните услуги, финансии, осигурителни компании и владини тела. Плаќањето може да се изврши со готовина или по електронски пат, било еднократно или периодично. Уплатите може да се извршат во секоја локација на агентите, онлајн или по телефон.

Бизнис решенија

Вестерн унион им помага на компаниите да се натпреваруваат на глобално ниво. Со многу меѓународни банкарски односи, со многу збогатено знаење во индустријата и многу прилагодени решенија го прават Вестерн унион да им обезбеди на компаниите многу можности. Како најприлагодени решенија се:

• меѓународни платежни услуги;
• девизни решенија;
• консултации за управување со ризикот;
• платформа за онлајн исплата.

Агенти

Секој ден, компанијата Вестерн унион соработува со повеќе од 500.000 агенти, во повеќе од 200 земји. За да се стане агент на Вестерн унион, треба да се исполнат барањата на компанијата, да се има одобрение од компанијата и да се работи според правилата и законите пропишани во склучениот договор.

Вестерн унион во Македонија

Историја на Вестерн унион

Услугата на Вестерн унион се нуди во Македонија од септември 1999 година, од страна на „Интернационална финансиска унија“ (ИФУ) како подружница на „Финансиска унија“ од Тирана. Со текот на годините, ИФУ ја проширила мрежата низ целата територија на Македонија. На крајот на 2003 година, ИФУ имала 28 агенции во својата мрежа.

Во август 2004 година, „Унија финансиска Скопје“ (УФС), (формирана во јануари 2004, како наследник на „Интернационална финансиска унија“), се стекнала со лиценца од страна на Народна банка на Република Македонија, како небанкарска финансиска институција која ги нуди услугите на брз трансфер на пари. УФС има договор на застапување на Вестерн унион. Локациите на УФС јасно се обележени со детелинка со пет листови со различна боја.

УФС има воспоставено мрежа во Македонија со повеќе од 200 агенции, во повеќе од 29 градови. Во Македонија постојат неколку типови на агенти на Вестерн унион:

• агенции кои исклучиво се занимаваат со Вестерн унион;
• туристички агенции;
• менувачници;
• банки;
• Македонска пошта.

Најголемиот дел од агенциите на Вестерн унион се комбинација од горенаведените услуги. Сите агенции се позиционирани на многу видливи и соодветни места како на пример: во центар на град, на главна улици и во трговски центри. За да се постигне највисок степен на квалитет и брза услуга, сите агенции на Вестерн унион располагаат со компјутер, факс, фотокопир и друга потребна опрема за вршење на дневни активности. УФС редовно организира обуки за сите оператори во мрежата на Вестерн унион во Македонија.

Провизии кои се наплатуваат при испраќање пари

Табела 1: Провизии за трансфер на пари преку Вестерн Унион

Износ во долари	Провизија во долари	Износ во евра	Провизија во евра
до 100	15	до 90	13,5
од 101 до 200	22	од 90,01 до 180	20
од 201 до 300	29	од 180,01 до 270	26,5
-	-	од 270,01 до 360	32
од 301 до 400	35	од 360,01 до 465	38
од 401 до 500	42	од 465,01 до 665	49,5
од 501 до 750	54	од 665,01 до 870	59,5
од 751 до 1000	65	од 870,01 до 1075	69
од 1001 до 1250	76	од 1075,01 до 1280	78
од 1251 до 1500	85	од 1280,01 до 1535	89
од 1501 до 1750	98	од 1535,01 до 1790	99,5
од 1751 до 2000	110	од 1790,01 до 2050	109,5
од 2001 до 2250	120	од 2050,01 до 2310	119,5
од 2251 до 2500	130	од 2310,50 до 2500	129,5

За секои дополнителни 250 долари, се наплаќа провизија од 10 долари. Исто така, за секои дополнителни 260 евра се плаќа провизија од 10 евра.

Табела 2: Дополнителни провизии за трансфер на пари преку Вестерн Унион

Услуга	Провизија во долари	Услуга	Провизија во евра
Телефонско јавување	3 УСД	Телефонско јавување	2,5 ЕУР
Порака до 10 збора	2 УСД	Порака до 10 збора	1,5 ЕУР
Секој нареден збор	0,2 УСД	Секој нареден збор	0,2 ЕУР

Табела 3: Провизии за трансфер на пари преку Вестерн Унион во: Хрватска, Босна, Србија, Црна Гора, Бугарија, Косово и Албанија.

Износ во долари	Провизија во долари	Износ во евра	Провизија во евра
до 130	9	до 100	7
од 130,01 до 260	13	од 100,01 до 200	10
од 260,01 до 390	16	од 200,01 до 300	12
од 390,01 до 650	18	од 300,01 до 500	13,50
од 650,01 до 1000	26	од 500,01 до 750	20
од 1000,01 до 1300	33	од 750,01 до 1000	25
од 1300,01 до 2000	39	од 1000,01 до 1500	30
од 2000,01 до 2600	45	од 1500,01 до 2000	35
од 2600,01 до 3200	55	од 2000,01 до 2500	42

Надворешни врски

• Corporate Western Union
• Официјално мрежно место на Вестерн Унион