Астма

Астма
Класификација и надворешни извори
Податотека:Astma.jpg Пиумпици за астма
МКБ-10	J45
МКБ-9	493
OMIM	600807
DiseasesDB	1006
MedlinePlus	000141
eMedicine	article/806890
MeSH	D001249

Астмата е хронична болест која што како и кај бронхитисот и емфиземот,предизвикува стегање во градите и тешкотии при дишењето.Некои луѓе болни од астма претрпуваат само слаби и ретки напади,за нив оваа болест претставува повремена мачнина.За други, пак, нападите можат да бидат чести и силни и да бараат итно медицинско лекување.Ако имате астма, лекарот мора редовно да ве следи и мора да барате итна медицинска интервенција при посилен напад.Со препознавање на прекинувачот во вашиот случај можете да научите да ја намалите јачината и зачестеноста на нападите на астма, а можеби и целосно да ги избегнете.Астмата не е проблем во вдишувањето,туку со издишувањето.Во текот на нападот на астма стегањето на мускулите и бронхијалните ткива кои отекуваат ги стеснуваат ситните дишни патишта во белите дробови, кои потоа се затнуваат со прекумерна слуз. Застојаниот воздух останува заробен во дното на белите дробови со неможност истиот да се издиши па ниту нов да се вдиши.Нападот може да помине брзо или да трае подолго од еден ден. Понекогаш симптомите се враќаат ненадејно со ненадејна силина.Овој „втор бран“ на напади може да биде потежок и поопасен од почетниот напад и може да трае со денови, па дури и со недели. Астмата е доста честа болест,на пример, од неа боледуваат меѓу 15 и 16 милиони Американци.Почеста е кај децата отколку кај возрасните,астмата е основна причина за изостанувањето на училиште и за исполнетоста на детските одделениа во болниците. Иако астмата е ретко смртоносна болест, таа е многу сериозна болест. Ако имате астма,мора да побарате помош од лекар пред да ги пробате алтернативните начини на лекување.

Предизвикувачи

За заболување на астма нема една причина поточно нападите може да ги предизвикаат низа различни фактори кои дејствуваат одвоено или во комбинација.Алергиите се основниот причинител.Меѓу 50 и 90 проценти од астматичарите боледуваат од алергии. Обични предизвикувачи на астма се:

• Настинка или грип
• Физички вежби
• Поленов прав, мувла или трева
• Влакна од животни
• Прашина
• Чад
• Промени во температурата на воздухот
• Одредени лекови на пр., аспирин
• Хемикалии или парфеми
• Храна со конзерванси, бои или средства за подобрување на вкусот
• Некои емоции на пр., стрес

Добивање астма

Причините што предизвикуваат да се појави астма не се знаат потполно, меѓутоа, кај оние со астма често во семејството постои историја на астма или алергија. Астмата може да се појави на било која возраст. Кај децата, чии мајки пушат за време на бременоста и децата кои, во раното детство, се изложени на чад од цигари, ризикот да добијат астма е поголем. Исто така човек кој живее во голем градови со загаден воздух може да добие астма.

Дијагноза

За да се утврди дали имате астма, лекарот веројатно, ќе изврши проверка на функциите на вашите бели дробови, со која се мери јачината на вашето издишување.Лицето кое нема астма,по правило,може да издиши околу 75 до 85 проценти од воздухот од белите дробови во рок од една секунда.На астматичарот му се потребни 7 до 7 секунди за да го истисне истиот воздух со што е доказ дека има затнувања во бронхиите.Проверката на функциите на белите дробови се нарекува тест на врвот од проток на воздухот, со која се означува резултатот додека вие издишувате со справата за мерење на врвот на проток на воздух.Вашиот лекар може да ви препише апарат, така што ќе можите и дома да ја следите болеста.

Симптоми на астмата

• Рапав, пискав звук или свирење при дишењето
• Стегање во градите
• Задишеност
• Кашлање понекогаш придружено со слуз.

Лекување

Ако имате астма,мора редовно да одите на лекар кај потешките напади секогаш е неопходно конвенционално медицинско лекување,Низа алтернативни начини на лекување можат да помогнат кога се користат заедно со конвенционалниот облик на лекување.

Конвенционална медицина

За медицинско лекување на астмата лекарите воопшто препишуваат бронходилататори, лекови со чија помош стеснатите дишни патишта во белите дробови се прошируваат. Овие лекови може да се добијат во облик на спреј и таблетки. Бронходилататорите за инхалација, кои се произведуваат како спреј или во обилк на баждарен инхалатор, личат на адреналин (вештачки произведена верзија на хормонот адреналин кој се создава во организмот).Лекарите обично ги сакаат повеќе бронходилататорите за инхалација, како што е изопротеренол, метапротеренол, изоетарин и салбутамол,затоа што тие влегуваат директно во белите дробови и затоа што во нив е употребено 1 000 пати помалку лек одколку во оралните облици.Едно до две вдишувања го намалуваат вревтањето и стегањето на градите се јавуваат со слаби до умерени напади.ПРЕДУПРЕДУВАЊЕ Бронходилататорите се силни лекови.Ако претерано ги употребувате можат да предизвикаат опасни придружни дејства, како што е високиот крвен притисок.Постојат и орални бронходилататори, во кои се вбројуваат теофилин, метапротеренол, салбутамол и тербуталин можат да се добијат во течен облик,таблетки или капсули.Во поретки случаи се користат и кортикокостероиди,но оваа терапија може да биде доста опасна.Некогаш во итни случаеви со користи и адреналинот како помагало од оваа болест.Бидејќи најчесто оваа болест произлегува од алергија лекарите многу често препишуваат и имунотерапија на алергенот се со цел да се намали предчуствителноста на антигенот којшто ја предизвикува алергиската реакција поточно астматичните напади.

Алтернативни начини на лекување

Многу луѓе ја наведуваат успешноста во алтернативните облици на лекување кај астмата, но дури и заговорниците ги препорачиваат овие методи како дополнение на конвенвионалните облици на лекување.Запомнете:кога еднаш ќе се дијагностицира,астмата мора да ја следи лекар, а потешките напади секогаш бараат помош од конвенкционална медицина.

Акупресура

Со примена на лесно притискање на одредени точки од телото можете да ја намалите начнината предизвикана од астмата.Прижајќи ја десната рака преку лево рамо,цврсто притиснете го делот од грбот меѓу двете лопатки и ’рбетот (точка Мочен меур) длабоко вдишете петпати, а потоа повторете ја на другата страна.Или ставете ги дланките на градите, со палците свртени нагоре и напипувајте ја чуствителната точка до градната коска, веднаш под клучната коска.Силно притискајте две минути.

Акупунктура

Неколку медицински испитувања навестуваат дека со помош на акупунктурата можат да се ублажат симптомите на астма.Постапката би требало да ја изведува само овластен експерт за акупунктура.

Ароматерапија

Со помош на етерични масла,како што е маслото на евкалиптус,изоп,лаванда,бор и размарин може да се олесни дишењето и да се ублажи назалната конгестија.

Кинески билки

Кинеската билка ефедра е делотворен бронходилататор но како и сите бронходилататори го забрзува дишењето ја забрзува циркулацијата може да предизвикува хипертензија и други кардио-васкуларни заболувања.

Лекување со лековити билки=

Со помош на вистински оман, корен кој дејствува смирувачки,можете да го исчистите во организмот од прекумерна слуз.

Рефлексологија

Масирајте ја кожата и другиот прст на двете нозе;се вели дека овој дел од соодветствува за вашето грло и бели дробови.Потоа, виткајте ги прстите така да бида раширени, масирајте го горниот дел од стапалото,дел за кој се вели дека соодветствува за белите дробови и градите.

Јога

Јогата може да ви помогне да научите да дишете длабоко и да се олабавите,со што ќе можите поделотворно да го решите стресот кој честопати е „прекинувачот“ на астмата.

Инхалаторски лек како Салметорол или Вентолин ги ублажува знаците на астмата

Надворешни врски

• Астма
• Лечење. Бронхијална астма
• Бронхијална астма

Користена литература

• Издавачка куќа: Mладинска куќа-Скопје

За издавачот: Златко Макаровски

Уредник: Лавинија Шувака