Арахос

Арахос
Арахос; Άραχος
	Арахос
	Местоположба во областа Арахос Местоположба на Арахос во општината Гида и областа Централна Македонија
	Координати: 40°40′N 22°30′E / 40.667° СГШ; 22.500° ИГД
Земја	Грција
Област	Централна Македонија
Округ	Иматија
Општина	Гида
Општ. единица	Плати
Надм. вис.	10 м
Население (2011)
• Вкупно	393
Часовен појас	EET (UTC+2)
• Лете (ЛСВ)	EEST (UTC+3)

Арахос (грчки: Άραχος) — новосоздадено село во Берско, Егејска Македонија, дел од денешната Општина Гида, во Централна Македонија, Грција.

Географија и местоположба[уреди | уреди извор]

Селото се наоѓа на околу еден километар северно од главниот пат што води од градот Солун за градот Бер, 4 километри северозападно од селото Плати, на надморска височина од 10 метри.^[2] Вкупната површина на селскиот атар изнесува 6 квадратни километри.

Сместено е во областа Урумлак, источно од Бер. Во минатото се наоѓало на југоисточниот брег на пресушеното Ениџевардарско Езеро. На север се наоѓаат селата Плугар и Зорбатово, од кои е одделено со реката Колудеј.

Историја[уреди | уреди извор]

Селото Арахос е целосно нова населба, изградена по извршените мелиорации, односно по исушувањето на Ениџевардарското Блато и по регулацијата на новите корита на реките Вардар и Колудеј. Првично, тука биле сместени главно бегалски семејства од позагрозени села.^[2]

Стопанство[уреди | уреди извор]

Селото е опколено со обработливи површини, бидејќи се наоѓа сред пространо плодно поле, а тие се наводнуваат од системот за наводнување од водите на реката Колудеј. Населението се занимава со земјоделство, произведувајќи многу пченица, пченка, памук, бостан и други земјоделски производи.^[2]

Население[уреди | уреди извор]

Населбата првпат е спомената во пописот од 1940 година со 354 жители, во 1951 година биле попишани 634, во 1961 година 635, во 1971 година 467, во 1981 година 430, а во 1991 година 415 жители.^[2]

Во пописот спроведен во 2001 година, селото било попишано со 487 жители. Во најновиот спроведен попис од 2011 година во Грција, селото било забележано со 393 жители.

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	354	634	635	467	430	415	487	393

Извор за 1940-1991 г.: Т. Симовски, Населените места во Егејска Македонија

Самоуправа и политика[уреди | уреди извор]

Селото припаѓа на општинската единица Плати со седиште во истоименото село, која припаѓа на поголемата општина Гида, во округот Иматија. Воедно, селото е дел од општинскиот оддел Арахос, во кој е единствено село.

Наводи[уреди | уреди извор]

↑ „Попис на населението од 2011 г. Трајно население“. Државен завод за статистика на Грција.
↑ ^2,0 ^2,1 ^2,2 ^2,3 Симовски, Тодор (1998). „Берски округ“. Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 5.

[census11-1] „Попис на населението од 2011 г. Трајно население“. Државен завод за статистика на Грција.

[НМЕМ-2] 2,0 ^2,1 ^2,2 ^2,3 Симовски, Тодор (1998). „Берски округ“. Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 5.

[1]

[2]