Албатрос
| Албатрос | |
|---|---|
| |
| Албатрос во лет (Thalassarche melanophris) | |
| Научна класификација | |
| Царство: | Animalia |
| Колено: | Хордати |
| Класа: | Птици |
| Ред: | Procellariiformes |
| Семејство: | Diomedeidae |
| |
| Распространетост (сина боја) | |
Албатрос e птица што живее во субполарните води на Антарктикот, иако може да се сретне и во умерените, па и во тропските мориња.
Опис[уреди | уреди извор]
Неговото тело е покриено со бели пердуви, а со сивкасти пердуви на главата и вратот. Долгата горна површина на долгите и меки крилја, како и на кусата опашка, е темнокафеава, речиси црна. Преку очите, кон назад, има тенка темна линија. Возрасните птици имаат розово-жолт клун. Долната страна од крилјата исто така е темнa на рабовите.
Младите птици имаат сива боја на главата и вратот, и темен клун. На кратките нозе, помеѓу прстите имаат тенка кожичка што им помага при пливањето.
Телото на албатросот е долго околу еден метар, а распонот на крилјата достигнува два и пол метри. Најголемиот албатрос, албатросот скитник има распон на крилјата од три и пол метри. Тежината му се движи меѓу 8 и 12 кг.[1] Тој е еден од најдобрите летачи на океанот, кој најголемиот дел од животот го поминува летајќи над студените субполарни океани на јужната полутопка. Понекогаш долетува и до европските брегови.
Исхрана[уреди | уреди извор]
Се храни со морски риби и мекотелни животни.
Размножување[уреди | уреди извор]
Се гнезди на пусти острови во големи колонии, каде во неугледни гнезда одгледува само едно младо. На копното доаѓа само кога се гнезди. Целиот живот го поминува со иста женка.
Просечниот животен век на еден албатрос е 80-85 години.[2] Кога еднаш ќе го напуштат гнездото можат во него да не се вратат и по 7 до 10 години.
Албатросот како тема во уметноста и во популарната култура[уреди | уреди извор]
- „Албатрос“ — песна на францускиот поет Шарл Бодлер.[3]
- „Албатрос“ (англиски: Albatross) — песна на британската рок-група ПИЛ (Public Image Ltd.) од 1979 година.[4]
Надворешни врски[уреди | уреди извор]
- Save the Albatross, кампања за спасување на албатросите Архивирано на 7 август 2007 г.
- Видео снимки за албатросот Архивирано на 14 март 2016 г.
Наводи[уреди | уреди извор]
- ↑ Albatross (Wandering) (анг.)
- ↑ Wildlife of Antartica (анг.)
- ↑ Шарл Бодлер, Цвеће зла. Београд: Култура, 1970, стр. 13.
- ↑ YouTube, Public Image Ltd. – Metal Box (FULL ALBUM | HQ SOUND) (пристапено на 29.5.2017)
|