Јужен Вински Пат

Јужен Вински Пат
Јужен Вински Пат; Südliche Weinstraße
	округ
Знаме	Грб
Земја	Германија
Покраина	Рајнска област-Пфалц
Седиште	Ландау
Површина
• Вкупна	639,89 км2 (24,706 ми2)
Население (31 декември 2020)
• Вкупно	110.783
• Густина	1,7/км2 (4,5/ми2)
Часовен појас	CET (UTC+1)
• Лете (ЛСВ)	CEST (UTC+2)
Рег. таб.	SÜW
Мреж. место	suedliche-weinstrasse.de

Јужен Вински Пат (германски: Südliche Weinstraße, фалечки: Siedlischi Woischdrooß) — округ на југот од сојузната покраина Рајнска област-Пфалц, Германија. Се граничи со окрузите Југозападен Пфалц, Диркхајм, безокружниот град Нојштат, Рајна-Пфалц, Гермерсхајм и францускиот департман Долна Рајна. Округот го обиколува градот Ландау кој е окружно седиште, но не е дел од него.

Историја[уреди | уреди извор]

На 27 мај 1832 г. во Хамбашкиот замок се одржал Хамбашкиот празник — настан кој важи за почеток на германската демократија. Округот е создаден во 1969 г. со соединување на дотогашните окрузи Ландау и Бергцаберн. Отпрвин го носел името Ландау-Бад Бергцаберн, но во 1978 г. е преименуван во Јужен Вински Пат.

Географија[уреди | уреди извор]

Округот е наречен по Германскиот вински пат (Deutsche Weinstraße), кој е првиот туристички пат во Германија, изграден во 1930-тите. Почнува од Бокенхајм, минува низ Бад Диркхајм, Дајдесхајм, и по 85 километри завршува во Швајген-Рехтенбах близу Бад Бергцаберн).

Реката Лаутер образува дел од границата со Франција на југ.

Грб[уреди | уреди извор]

Грбот е многу сличен на оној од претходниот округ Ландау. Горе лево стои лавот на Изборното Кнежевство Пфалц. Белиот превез го симболизира Винскиот пат по кој е наречен округот. Долу десно има два грозда кои исто така се симбол на патот. Крстот е обележје на Шпајер, бидејќи Шпајерската епархија во минатото поседувала земја во округот. Круната по средината е преземена од грбот на округот Бад Бергцаберн и ги симболизира Трифелс и Анвајлер.