Народна кујна
Народна кујна е место каде на гладните им се нуди бесплатна храна или одредени прехранбени производи по симболична цена. Овие објекти најчесто се наоѓаат во сиромашните градски населби, и во нив обично работат волонтери и добронамерни поединци. Овие кујни храната ја добиваат од најразлични донации, претежно од цркви и верски организации, чии верници ја оставаат како помош за сиромасите.
Се верува дека поимот „народна кујна“ официјално влегол во јазичниот речник во текот на 1880-тите, кога една пекарница од Њујорк почнала да им дели бесплатни пекарски производи на сиромасите при крајот на нивното работното време.[1] Овие институции станале популарни за време на Големата економска криза во САД, кога една од кујните на Ал Капоне во Чикаго почнала да раздава храна на гладните, како би го подобрила јавното мислење за него.[2] Бенџамин Томпсон, еден од основачите на модерна Америка, се смета за изумител на народните кујни. Според едно истражување од 1985 г. било дојдено до сознание дека 95% од храната која им се дава на посетителите имала недостаток на витамини.[3]
Според статистиката на Министерството за труд и социјална политика, во Р Македонија има вкупно 41 народна кујна, од кои шест се во Скопје.[4] Според истите податоци, преку 4000 приматели на социјална помош ги посетуваат овие места.[5][6]
Наводи
[уреди | уреди извор]- ↑ Wetsteon, Ross, Republic of Dreams Greenwich Village: The American Bohemia 1910-1960, Simon & Schuster, 2003, preface
- ↑ „Народни кујни“ Social Security Online History Page.
- ↑ American Journal of Public Health Архивирано на 1 август 2013 г. „Нутриционистички податоци за храната која се сервира во народните кујни: Истражување“ Г. Т. Лејвен и К. С. Браун, август, 1985; 75(8): 875–878.
- ↑ И селата добиваат народни кујни[мртва врска], преземено од Нова Македонија, 1 декември, 2011
- ↑ Народни кујни на секој чекор- вистински излез од кризата?, преземено од ИдиВиди, 26 декември, 2012
- ↑ Народните кујни- егзистенција за најсиромашните, преземено од DW, 6 ноември, 2011