Цуцул-чучурлига
| Цуцул чучурлига | |
|---|---|
_at_Sultanpur_I_Picture_118.jpg) | |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Врапчевидни |
| Семејство: | Чучурлиги |
| Род: | Galerida |
| Вид: | G. cristata |
| Научен назив | |
| Galerida cristata (Linnaeus, 1758) | |
Цуцул-чучурлигата (Galerida cristata) е распространета низ Евроазија, до Индија и Кина, и во Африка. Ја има и во Македонија. Спаѓа во редот на врапчевидните птици, семејството на чучурлигите.
Опис
[уреди | уреди извор]Како и другите чучурлиги, и оваа е мала птица со должина на телото 17-18 см, распон на крилјата 34 см, и тежина од 45 грама. Перјата и се шарени со темно и светлокафени, црни и жолти бои. Долниот дел е бел. Карактеристично за овој вид е цуцулката на главата, по што го добила и името. Таа ја поткрева цуцулката кога се додворува, пее и кога се бори за својата територија.[2] Половите не се разликуваат многу. Летаат убаво, а на земјата одат без потскокнување. Кога летаат им се гледа црвеникавата боја под крилата.
Распространетост и живеалиште
[уреди | уреди извор]Цуцулестата чучурлига е широко распространет вид, кој се среќава во цела Европа, Азија и Африка. Тие не се преселници, освен популациите од најсеверните делови. Живее на отворени, суви, тревнати подрачја. Исто така, се среќава покрај патиштата, железниците, пристаништата и аеродромите.[3]
Исхрана
[уреди | уреди извор]Храната си ја бара на земја, и јаде мали инсекти, семиња, црвчиња и сл.
Размножување
[уреди | уреди извор]
Исто како другите чучурлиги, цуцулестата гнездото го прави на земја. Снесува 3-5 бели јајца, испрскани со сиви, црни и кафени точки. Размерот им е 22х17 мм. Ги лежат 12-13 дена, а малечките се развиваат брзо, па по десетина дена го напуштаат гнездото. Родителите ги хранат со инсекти.[3] Во периодот на парење, мажјакот лета и ги пее своите карактеристични многу мелодични песни, со потсвиркување, дури и имитирање звуци.
Токму поради нејзиното убаво пеење, понекогаш се чува во домашни услови, а таа го поднесува животот во затворено.
Наводи
[уреди | уреди извор]- ↑ BirdLife International (2012). „Galerida cristata“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ Dr Francois Vuillemier Animal Dorling Kindersley, London, 2001 pp.342
- 1 2 Hayman, Peter and Hume, Rob The complete guide to the bird life of Britain and Europe Bounty Books, 2004
Надворешни врски
[уреди | уреди извор]
Податотеки поврзани со Galerida cristata на Ризницата
Galerida cristata на Викивидовите ?- Ageing and sexing (PDF; 2.8 MB) by Javier Blasco-Zumeta & Gerd-Michael Heinze Архивирано на 12 ноември 2013 г.
