Цуцулеста патка

Од Википедија — слободната енциклопедија
Прејди на: содржини, барај
Цуцулеста патка
мажјак/женка
Заштитен статус
Научна класификација
Царство: Животни
Колено: Хордати
Класа: Птици
Ред: Гусковидни
Фамилија: Патки
Потфамилија: Aythyinae
Род: Aythya
Вид: Цуцулеста патка
Биномен назив
Aythya fuligula
(Карл Лине, 1758)
Младенчиња

Цуцулестата патка (Aythya fuligula) е вид птица од фамилијата патки од редот гусковидни. Ја има во Македонија.

Опис[уреди]

Кај овие патки е изразен половиот диморфизам. Возрасниот мажјак е цел црн, освен што ги има белите слабини и сино-сив клун. Возрасната женка е кафена со посветли слабини, и лесно се помешува со други гусковидни патки. Цуцулестата патка тежи меѓу 500 и 1400 грама, должината на телото ѝ е 40-47 cm, а распонот на крилјата околу 72 cm. Повеќето од времето се тивки. Добро пливааат и нуркаат, а под вода можат да се задржат од 30 до 40 секунди. Тешко и гласно полетуваат, а летаат насочено.

Распространетост[уреди]

Овие видови на патки, се распространети широко низ умерените појаси и северниот дел на Евроазија. Типични птици преселни се, и зимуваат во јужна Европа и северна Африка. Тие понекогаш може да се најдат како зимни посетители на двата брега на САД и Канада.

Живеалиште[уреди]

Овие патки живеат близу езера, мочуришта, бавни реки, густо обраснати со водни растенија. Често се среќава во делтите на големите реки.

Исхрана[уреди]

Се хранат претежно со животинска храна: ситни рипчиња, мали мекотели, ларви од инсекти, ракчиња и сл. Храната ја бара обично на длабочина од 3 до 4 метри, но може да нурне и до 14 метри.

Размножување[уреди]

Цуцулестата патка е моногамна птица. Паровите се оформуваат уште во текот на зимата. Гнездата ги поставуваат веднаш до водата, често на мали островчиња или на купчиња од стара трска. Несат 3-20 зеленикави јајца со размер 59 х 41 mm и тежина околу 56 грама. Ги лежи само женката 23–28 дена. Испилените младенчиња се доволно развиени да можат сами да се движат и да се хранат.

Наводи[уреди]

Надворешни врски[уреди]