Христо Меловски

Христо Меловски
Роден	23 август 1932 Лерин, Република Грција
Починал	3 јануари 1996(1996-01-03) (возр. 63) Скопје, Македонија

Христо Меловски (Лерин, 23 август 1932 - 3 јануари 1996 , Скопје) ― македонски историчар, професор на Филозофскиот факултет во Скопје.

Животопис

Христо Меловски бил роден на 23 август 1932 година во Лерин, беломорскиот дел на Македонија. Граѓанската војна го одведла неговото семејство во Нови Сад, каде дипломирал на тамошниот Филозофски факултет. Во 1968 година, тој станал асистент при Катедрата за историја на Филозофскиот факултет во Скопје. Во 1975 година, на Универзитетот „Мартин Лутер“ во Хале (ГРД), тој ја одбранил докторската теза по што бил избран за доцент по предметот Историја на народите на Југославија – Среден век. Подоцна, тој го стекнал звањето вонреден професор по истиот предмет. Подоцна, согласно неговиот наставен план, тој го предавал предметот Историја на балканските народи – Среден век. По заминувањето на академикот Стјепан Антољак, Меловски го предавал и предметот Помошни историски науки. Воедно активно бил вклучен и во наставно-образовната постапка на последипломските студии од областа на историјата на македонскиот народ – Среден век. Тој бил одличен предавач на грчкиот и германскиот јазик. Зад себе оставил вредни остварувања од областа на македонската медиевалистика, меѓу кои најдрагоцена е неговата докторска дисертација. Тој бил раковоодител на ННСГ за историја и раководител на последипломските студии. Воедно, тој бил и продекан на Филозофскиот факултет во Скопје. Меловски починал во 1996 година.