Тиканга

Тиканга (маор. tikanga, букв. „правилност“, „прикладност“) е маорски збор со прилично широко значење и смисол — култура, обичај, етика, бонтон, начин, формалност, знаење, манир, значење, механизам, метод, протокол, стил.

Неговото општо значење е „маорски начин на постапување“. Овој води потекло од маорскиот збор „тика“, што значи 'правилно' или 'прикладно'.

Од 1980-тите години поимот се јавува во новозеландскиот англиски јазик поради новодонесените закони кои наложуваат советување со претставници на локалните иви (племиња) за сите поважни работи, како да речеме раководење со ресурси.

Поврзано

• Маори
• Таха маори
• Маорска култура