Мите Грозданов

Мите Грозданов

Мите Грозданов е познат македонски глумец. Тој е роден на 14 декември 1943 година во Струмица. Веднаш по дипломирањето на Театарската Академија во Белград, станува дел од Драмскиот театар Скопје, а една година подоцна, во 1968 година го добива највисокото театарско признание во Југославија „Златен ловоров венец“ за главната улога во претставата „Партитура за еден Мирон“ од Коле Чашуле.

Во својата театарска дејност се истакнува со мошне сензибилна фактура, залагајќи се секогаш со максимална лична креативност и сценска еластичност. Го негува рецитирањето, а во неговит репертоар се наоѓаат и неколку монодрамски остварувања. Своевремено, своите режисерски амбиции ги остваруваше со драмските аматери на КУД „Јосиф Јосифовски“ од Гевгелија. Од декември 2008 е пензионер, после деценискиот работен век во Драмскиот театар во Скопје. Еден од неговите најзначајни проекти е режирањето на претставата "Стрниште затвор за жени", во која што главната улога ја игра актерката Николина Василевска а во неа се појавува и доајенот на македонското глумиште Соња Каранџуловска.

Надворешни врски

• Драмски го испраќа Мите Грозданов во пензија, Утрински весник, број 2869, вторник, 23 декември 2008