Сент Џорџ Бастер

Од Википедија — слободната енциклопедија
Прејди на прегледникот Прејди на пребарувањето
Сент Џорџ Бастер
Saint George Basseterre
парохија
StKitts-Nevis GBA.png
ДржаваСвети Кристофер и Невис
Површина
 • Вкупна29 км2 (11 ми2)
Население (2001 проц.)
 • Вкупно13.220
 • Густина460/км2 (1,200/ми2)

Сент Џорџ Бастер (англиски: Saint George Basseterre) е една од 14-те парохии на Свети Кристофер и Невис. Оваа парохија е втора најголема во држвата веднаш зад Сент Џејмс Винвард. Во рамките на федерацијата оваа парохија е најнаселена, во која живее една третина од населението на државата. Во рамките на оваа парохија се наоѓа главниот град на Свети Кристофер и Невис - Бастер. Дополнително на тоа, оваа парохија има најдолг брег од сите во државата.

Географија[уреди | уреди извор]

Вкупната површина на парохијата изнесува 28 метри квардатни и во рамките на оваа територија има разновидни релјефни облици што ја прави географски најразновидна парохија. Северните предели на Сент Џорџ Бастер се дел од долината Бастер, еден од најплодните региони на државата. Рамните површини се користат за земјоделство, а главниот град се наоѓа на крајбрежјето. Централните и јужните предели на парохијата се Југоисточниот полуостров. Овој полуостров има значително поразлична клима. Тој е составен од еродирани брда, ниска вегетација и бели песочни плажи. Најголемата бара, Големата солена бара, има вкупна површина од 7.8 километри квадратни. На околу една милја од брегот се наоѓа островот Буби, кој всушност се наоѓа на пола пат до островот Невис. Овој мал остров Буби, официјално, не е под управа ни на Сент Џорџ Батсер ниту на соседната Сент Џејмс Винвард.

Населени места[уреди | уреди извор]

Во парохијата се наоѓа главниот град на државата - Бастер. Градот се наоѓа во заливот Бастер, но градот сепак се протега и во соседната парохија Сент Питер Бастер. Останатите населени места во оваа парохија делуваат фактички како подградија на Бастер. Двете официјално назначени населени места како села се Брд Рок и Фригат Беј.

Пристаништа[уреди | уреди извор]

Во оваа парохија се наоѓаат двете пристаништа на Свети Кристофер: Порт Занте и Дип Ватер Харбор.

Поврзано[уреди | уреди извор]

Надворешни врски[уреди | уреди извор]

Координати: 17°17′30″N 62°41′30″W / 17.29167° СГШ; 62.69167° ЗГД / 17.29167; -62.69167