Иван Антоновски

Иван Антоновски
Роден	30 јули 1990 Скопје, СФРЈ (денес Македонија)

Иван Антоновски (Скопје, 30 јули 1990) — македонски поет и есеист, книжевен критичар, книжевен преведувач и публицист. Работи како асистент на Филолошкиот факултет „Блаже Конески“ при УКИМ, Скопје.

Животопис

Роден е во 1990 година во Скопје. Автор е на повеќе книги поезија, проза, есеистика и публицистика, а застапен е во повеќе домашни и меѓународни поетски антологии и зборници. Дипломирал на Катедрата за македонска книжевност и јужнословенски книжевности на Филолошкиот факултет „Блаже Конески“ во Скопје, како првенец на генерацијата. Член е на Друштвото на писателите на Македонија (ДПМ) и на Сојузот на литературните преведувачи на Македонија.

Творештво

Поезија

• Крикови од неископан гроб, Скопје, Панили, 2013
• Обиди за (пре)создавање песна, Белград, Граматик, 2021 (избор, на српски)

Есеи

• (Не)отворени прашања, 2014
• Острење од тапоста, 2015

Студии

• Идентитетот е приказна (книга за есеистиката на Горан Стефановски), Скопје, Полица, 2022
• Просто и строго – Конески, Скопје, Матица македонска, 2023

Публицистика

• Од онаа страна на Небиднината: разговори со Светлана Шопова за Ацо Шопов, Скопје, Дијалог, 2023

Хибридни форми

• Обиди за (пре)создавање песна, (поезија и есеи), 2017

Антологии

• Ветерот носи убаво време, (коприредувач), 2012
• Од копнеж до ерос, (македонска љубовна лирика), 2013
• Ново раѓање на зборот, (коприредувач) 2023

Награди

Иван Антоновски е прогласен е за најдобар млад научник во хуманистичките науки за 2021 година и од претседателот на државата му е доделено признанието „Успешни млади“. Добитник е на повеќе награди, како:

• „13 Ноември“ на Град Скопје.
• „Франк Манинг“ на Ректоратот на УКИМ.
• „Тодор Чаловски“ што ја доделува Здружението за литература, култура и уметност „Галикул“ (2016).
• Наградата за необјавена песна „Антево слово“ (2021).
• Наградата за најдобар расказ „Живко Чинго“ (2023).
• Наградата „Ванчо Николески“ за најдобро дело за деца и млади за книгата „Бакнежи на небото“ (2024).