Звонко Станојоски
| Звонко Станојоски | |
|---|---|
 | |
| Роден | 29 јануари 1964 Прилеп |
| Титула | велемајстор (2004) |
| Најв. рејтинг | 2529 (јануари 2008) |
Звонко Станојоски (29 јануари 1964, Прилеп) — македонски шахист.
Животопис[уреди | уреди извор]
Го освои 10-тото поединечно првенство на Македонија во 2001 година во Охрид. [1] На 11-тото поединечно првенство на Македонија во 2002 година во Гевгелија бил трет.[2] Победил на Трофеј Београд, што се одржува секоја година во Обреновац, во 2006 и 2007 година. Исто така во 2007 година победил на отвореното поединечно првенство на Македонија во Струга.
Меѓународен мајстор станал во 1999 година и титулата велемајстор ја стекнал во февруари 2004 година. Велемајсторската норма ја постигнал на Опен во Скопје во 1998 година и на преминот од 2001/02 година на 77. Челинџерс турнир. Конгресот во Хастингс и во 2003 година на меѓународниот турнир Пауталија Турс (Категорија VII) на бугарскиот шаховскиот клуб Осогово Ќустендил во Ќустендил, Бугарија, што го освоил непоразен со 10,5 од 13 бода и 2,5 бода предност.[3]
Репрезентација[уреди | уреди извор]
Со македонската репрезентација учествувал на осум шаховски олимпијади во периодот од 1994 до 2010 година со вкупен резултат од 35 поени од 59 партии (+26 =18 −15).[4] За Македонија настапувал и на ЕП во 1999, 2003, 2007, 2009, 2011 и 2013 година.[5]
Клубови[уреди | уреди извор]
Настапува за ШК Алкалоид Скопје, со кој осум пати учествувал на Европскиот клупски куп. На Европскиот клупски куп 2003 во Ретимно добил бронзен медал во поединечна конкуренција со резултат од 4,5 од 6 на првата резервна табла. Порано настапувал за екипата Стефо Балто, Струга, со која учествувал на Европскиот клупски куп во 1999 година.[6]
Наводи[уреди | уреди извор]
- ↑ 10. Mazedonische Meisterschaft auf fide.com (englisch)
- ↑ 11. Mazedonische Meisterschaft in The Week in Chess #388 vom 15. April 2002 (englisch)
- ↑ GM-Antrag auf fide.com (englisch)
- ↑ Zvonko Stanojoskis Ergebnisse bei Schacholympiaden auf olimpbase.org (englisch)
- ↑ Zvonko Stanojoskis Ergebnisse bei Mannschaftseuropameisterschaften auf olimpbase.org (englisch)
- ↑ Zvonko Stanojoskis Ergebnisse bei European Club Cups auf olimpbase.org (englisch)
Надворешни врски[уреди | уреди извор]
- Звонко Станојоски — профил и партии на ChessGames.com (англиски)
| ||||||