Замок Халмштад
Замокот Халмштад е замок од 17 век, сместен во Халмштад, во провинцијата Халанд, Шведска.[1]
Во текот на првата половина на 17 век, Халанд била провинција Данска.[2] Во 1595 година фармата на местото каде што сега се наоѓа замокот е купена за употреба како резиденција за данскиот Кристијан IV при неговата посета на Халмштад. Замокот бил изграден под власт на кралот Кристијан.[3]
Изградбата на замокот и девет соседни места започнало во 1609 година. Изградбата најверојатно била завршена во 1615 година.[1] Градежен менаџер и архитект бил холандскиот архитект Вилум Корнелисен. Архитектурата на замокот е типична за тој период, во стил познат како Христијанска IV ренесанса. Повеќе потсетува на современи дански селски куќи отколку на елегантна кралска палата.
Со Вториот договор од Бромсебро (1645) и конечно со Роскилдскиот мировен договор во 1658 година, замокот потпаднал под власт на Бенгт Кристоферсон Лилихук, првиот шведски гувернер на Халанд. Кога Халанд станала провинција на Шведска, замокот Халмштад станал резиденција на шведските кралеви кои го посетувале.[1] Швеѓаните го зајакнале замокот, а во 1658 година била завршена внатрешната тврдина.
Од 1770 година и до денес, замокот е обновен неколку пати. Во модерните времиња, тој станал традиционална резиденција на гувернерот на округот Халанд. Гувернерот на замокот и локалната власт имаат некои свои канцеларии таму. Во 1999 година Халандова музика се преселиле, а во текот на 2000 година Турист Халмштад основал свои канцеларии во источното крило.[3]
Галерија[уреди | уреди извор]
Наводи[уреди | уреди извор]
- ↑ 1,0 1,1 1,2 „Halmstad Castle“. Statens Fastighetsverk. Архивирано од изворникот на 2007-09-14. Посетено на 2007-02-07.
- ↑ „The History of Halland“. Svensk Turist Guide. Архивирано од изворникот на 2006-09-24. Посетено на 2007-02-07.
- ↑ 3,0 3,1 „SIGHTS IN HALMSTAD, SWEDEN“. Officiell webbplats for Halmstads kommun. Архивирано од изворникот на 2006-11-03. Посетено на 2007-02-07.