Жан Валжан

Жан Валжан
Лик од Клетници
Жан Валжан како г. Медлен. Илустрација на Гистав Брион.
Создаден од	Виктор Иго
Информации
Занимање	Поранешен затвореник градоначалник
Деца	Козета (нелегално посвоена)
Националност	Французин

Жан Валжан (француски: Jean Valjean) — протагонистот на романот Клетници на Виктор Иго. Иго го опишува животот на Валжан откако е ослободен од затвор, каде служи казна за кражба на леб. Целиот роман Валжан се обидува да води морален и исполнет живот криејќи се од инспекторот Жавер. Валжан има неколку лажни имиња во романот, меѓу кои месје Медлен, Ултим Фошлеван, Месје Леблан и Урбен Фабре.

Валжан и неговиот главен соперник, Жавер, се денес книжевни архетипови. Според многумина, ликот на Жан Валжан се поистоветува со самиот Иго, а истовремено прераснува во отелотворение на левичарската политика. Опишан е како крупен, борбен човек со висок морал, кој откако доживува духовно будење се посветува на доблестен живот, останувајќи доследен до своите идеали до крајот на животот.