Брат ми брка диносауруси
| „Брат ми брка диносауруси“ |
|---|
Брат ми брка диносауруси е филм од 2019 година во режија на Стефано Ципани, базиран на истоимениот роман на Џакомо Мацариол .
Заплет
[уреди | уреди извор]Џакомо „Џек“ е дете кое живее во Кастелфранко Венето, со своите родители Давиде и Катија и постарите сестри Кјара и Алис. Еден ден добива вест дека наскоро ќе добие брат, кој ќе се вика Џовани (Џио). По раѓањето на помалиот брат, Џек и неговото семејство откриваат дека Џовани има Даунов синдром . На почетокот Џек е среќен, бидејќи верува дека неговиот помал брат е некој вид на суперхерој, но со текот на времето ќе сфати дека неговите родители му дозволиле да верува во нешто многу поразлично од реалноста.
Години подоцна, кога Џек треба да избере средно училиште заедно со Виторио (Вито), најдобриот пријател во неговиот живот, Џек ја запознава Аријана и се заљубува, па решава да се запише во истото училиште како и девојката, по што го убедува и Виторио да го следи. Пристигнувајќи на училиште, Џек страда од својата срамежливост и сака да биде како постарите соученици, па се придружува на групата на неговата сакана Аријадна, главно за да ја импресионира. Потоа решава да се приклучи на музичкиот бенд на двете момчиња за кои смета дека најмногу им се восхитуваат во училиштето. Сепак, Џек често се чувствува непријатно и не може никому да каже дека има брат со Даунов синдром. Неговото молчење на оваа тема постепено се претвора во се поголема и поголема лага.
Џек подоцна открива дека бендот во кој свири има канал на YouTube, а исто така го покажува и на семејството. Малиот Џовани потоа решава да снима видеа и ги става на YouTube со помош на Виторио. Џек ги открива видеата, бидејќи некои од неговите другари ги гледаат, тој ги брише со тоа што вината ја префрла на непостоечка нео-нацистичка група.
Не можејќи да го превиди инцидентот, семејството на момчето повикува на протест против наводното нео-нацистичко движење, на кој присуствуваат и Џек, Аријана и неговиот клас. Конечно решен да престане да лаже, Џек јавно признава дека ги избришал видеата на Џовани и лажел за својот брат.
Џек ги разочара сите и сите се лути на него. Меѓутоа, со текот на времето, тој му се извинува на семејството, класот и пред се на Виторио и Аријана, и повторно стануваат најдобри пријатели.
Продукција
[уреди | уреди извор]Филмот е снимен во Ченто, Пиве ди Ченто, Анзола дел Емилија и Болоња.[1]
Дистрибуција
[уреди | уреди извор]Филмот беше прикажан во италијанските кина почнувајќи од 5 септември 2019 година.
Заработка
[уреди | уреди извор]Филмот заработи 2,5 милиони евра.[2]
Во Италија е на 36-то место за најгледани филмови во сезоната 2019/2020.[3]
Критика
[уреди | уреди извор]Филмот имаше добри критики.[4]
Признанија
[уреди | уреди извор]- 2020 година - Давид на Донатело
- Дејвид Јанг
- Номинација за најдобра актерка на Изабела Рагонезе
- 2020 - Европски филмски награди
- Награда за млада публика на Европската филмска академија
- 2020 година - Златна штица
- Номинација за најдобар дебитантски филм на Стефано Ципани[5]
Наводи
[уреди | уреди извор]- ↑ „Set aperto per Mio fratello rincorre i dinosauri di Stefano Cipani“.
- ↑ „Mio fratello rincorre i dinosauri - Film 2019“.
- ↑ „Box Office Italia 2020 - Movieplayer.it“.
- ↑ „Mio fratello rincorre i dinosauri - Film (2019)“.
- ↑ „Ciak d'Oro 2020: migliore regista esordiente“.