Бонавантир

Од Википедија — слободната енциклопедија
Прејди на прегледникот Прејди на пребарувањето
Бонавантир
Наречен и: île Bonaventure
Percé (village).JPG
Персе и поглед на островот Бонавантир
Географија
МестоположбаЗалив Сент Лоренс
КоординатиКоординати: 48°30′N 64°10′W / 48.500° СГШ; 64.167° ЗГД / 48.500; -64.167
Површина4,16 км2
Највисоко издигнување137 m
Управување
Провинции и територии во КанадаКвебек
РегионГаспези — Острови Мадлен
Општина (Квебек)Персе
Демографија
Население0


Островот Бонавантир (француски: île Bonaventure) - остров во Заливот Сент Лоренс кој се наоѓа 3.5 километри од јужниот брег на Полуостровот Гаспе во Квебек и 5 километри југоисточно од селото Персе во Канада. Островот има кружен облик и површина од 4.16 км2.

Историја[уреди | уреди извор]

Островот Бонавантир заедно со Персе, бил меѓу првите сезонски риболовни пристаништа на Нова Франција. Доселеници од јужна Ирска дошле на почетокот на 1790-тите. Петар Ди Вал, роден во Џерси, ја основал првата рибарска компанија уште пред 1819 која опстанала до 1845. Островот станал заштитено место за преселните птица во 1919 година со Конвенцијата за преселни птици од 1916 помеѓу Канада и САД. Провинцијата Квебек стекнала сопственост на целиот остров со експропријација во 1971 година. Во тоа време, околу 35 семејства биле принудени да се преселат на друго место и сите жители биле иселени. Подоцна провинцијата Квебек го групирала заедно со Персе Рок во Национален Парк на Островот Бонавантир и Персе Рок (на француски: Parc national de l'île-Bonaventure-et-du-Rocher-Percé ) во 1985 година. Еден од најголемите и најдостапни резервати за птица во светот, со повеќе од 280,000 птици, Островот Бонавантир е главна туристичка дестинација за бродски тури од мај до октомври.

Носачот на авиони HMCS Bonaventure бил именуван по островот.


Птици[уреди | уреди извор]

Карпи со поглед на карпеста плажа.

218 различни видови птици биле евидентирани како посетители, мигрирајќи или живеејќи на Бонавантир. Најчеста птица присутна на островот е блуната. Островот е дом на еден од најголемите колонии на блуни во светот, со 51,700 парови во 2011 година.[1] Други колонии вклучуваат тропрстиот галеб и тенкоклуната кајра. Чиграта, црниот чистик, харингестиот галеб, големата црна чајка, остроклуната њорка, северната качурка, големиот корморан, ушестиот корморан, тупикот, северното врапче и пругастиот славеј исто така можат да се забележат на Бонавантир.[2]


Инспирација[уреди | уреди извор]

Бонавантир бил значаен извор на инспирација на бројни уметници и поети. Надреалистичкиот писател Андре Бретон изјавил дека додека работел на романот Аркана 17 кога престојувал во Персе (1944) никогаш не му здодеало да ги гледа птиците на островот.[3] Островот никогаш не престанал да привлекува сликари и писатели. Американскиот сликар Фредерик Џејмс (г. 1905 година), Клер и Иван Гол (1946) и др. Од шеесеттите години неколку уметници го поминале летото на островот и останувале во текот на летото со жителите-потомци на ирските и норманските доселеници од кои најпознат бил натуралистот Вилијам Ди Вал. Меѓу овие инспирирани посетители биле: сликарот Жак Иртибиз [4] и Кити Брино,[5] скулпторот Мортон Розенгартен, поетот Мишаел Ла Шанс.[6] Уметниците и жителите биле иселени од островот во седумдесеттите години.[7]

Островот Бонавантир


Поврзано[уреди | уреди извор]

Наводи[уреди | уреди извор]

  1. „Canadian Important Bird Areas“. Ibacanada.ca. конс. 2017-12-19. 
  2. „Canadian Important Bird Areas“. Ibacanada.ca. конс. 2017-12-19. 
  3. « J'ai beaucoup regardé les oiseaux dans cette île Bonaventure qui est au large de Percé. » André Breton, Radio-Canada, 13-1-1953; Vie des Arts, XX, 8, Automn 1975, p. 17.
  4. Hurtubise painted « Les Mouillures » on the Island. See Jean Sarrazin, « Jacques Hurtubise», La Presse, 11 February 1961, p. 30.
  5. Престој од 1961 до 1972 година. Сп. "Kittie Bruneau. Les Amants de l'île ", Musée Ле Chafaud, 2002.
  6. Cf. « Enclume du vent », L'Inquisitoriale. Fugue solaire dans les îles et plateaux du langage, Triptyque, 2008, p. 37-56.
  7. ри Haroun, " Une autre Gaspésie ", Ле Devoir, 23 aout 2003 година.

Надворешни врски[уреди | уреди извор]