Арно.мк

Арно.мк - македонски портал за наука, уметност, култура, екологија и образование основан од Бранко Прља и Владимир Карер. Воедно е и платформа за граѓански иницијативи, особено од областа на екологијата, и во соработка со Капка како и издавач на повеќе едукативни книги. Постои од 2019 година.

Мисија

Како мисија на порталот е наведено: „Нашата идеја е да се стремиме кон „доброто“ како принцип. Сите теми и текстови објавени на овој портал имаат мисија да ги подобрат работите во нашето општество, да известат за добрите трендови во светот и ако понекогаш зборуваме за лошите појави тоа го правиме со цел да влијаеме на позитивно разрешување на истите (пр. екологија).“

Еколошки иницијативи

Арно.мк е одговорен за повеќе еколошки иницијативи на друштвени медиуми меѓу кои:

• „Дај, не фрлај“, платформа за споделување предмети, продолжена употреба, реупотреба и заштита на околината со повеќе од 50.000 членови. Како движење, заедно со сите други групи кои произлегле од главната, бројот на членовите е 2-3 пати поголем.
• „Не фрлај, не загадувај“, еколошка група за документација на депонии и прописно фрлање отпад, за подобро селектирање и унапредување на рециклирањето.
• „Кеса, не благодарам. Торба си носам!“, еко-група која се залага за воведување на законот за забрана на кесите (пред воведувањето на истиот) и за користење на реупотребливи торби во пазарењето. Воедно се залага за општа намалена употреба на пластиката.
• „Еколошко, евтино, ефикасно“, иницијатива за намалување на употребата на штетни материјали во домаќинството и нивната замена со еколошки и органски.
• „И јас одам со велосипед на работа“, иницијатива за возење велосипед како еколошко, евтино и здраво превозно средство.

Едукативни содржини

Арно.мк, во соработка со Капка, е автор и на други проекти како:

• Единствениот специјализиран агрегатор за вести од науката во Македонија science.mk

Преку платформата Арно.мк се издадени повеќе книги како:

• Необични факти од животот на Алберт Ајнштајн (2017, Бранко Прља)
• Необични факти од животот на Никола Тесла (2017, Бранко Прља)
• Јаболкото на Њутн (2018, Бранко Прља)
• Неверојатниот живот на Стивен Хокинг (2019, Бранко Прља)
• Made In China – Кинески изуми (2019, Бранко Прља)
• 25 факти за аерозагадувањето и начини да го намалиш (2020, Бранко Прља и Владимир Карер)
• Мустаќлии кои го смениле светот (2021, Исак Сима)
• Вселенскиот пионер Јуриј Гагарин (2021, Бранко Прља)
• „Од кој филм беше?“ – 150 сцени од познати филмови (2021, Берт Стајн)
• 99.9 тотално забавни и сосема бескорисни факти… (2021, Исак Сима)
• Забавни факти за диносаурусите и други ужасно големи гуштери (2021, Нина Прља)
• „Дај, не фрлај – од Фејсбук група до еко-револуција! (2021, Бранко Прља и Владимир Карер)
• „Пекол“но добро дело на Данте! (2021, Нина Прља)

За тимот

Директор и главен уредник на порталот е Бранко Прља, заменик на главниот уредник и веб-мастер е Владимир Карер. Други членови на редакцијата се Снежана Василевска, Тимурленк Чековиќ и Билјана Николовска-Прља.