Антропофаг
Антропофаг [1] (од грчки: ανθρωποφάγος , „јаде луѓе“, множина грчки: ανθρωποφάγοι ) бил член на митската раса канибали опишана од Херодот во неговите истории прво како андрофаги („човекојади“), а подоцна и од други автори, вклучувајќи го и драматургот Вилијам Шекспир. Зборот првпат се појавил на англиски околу 1552 година.
Во популарната култура, антропофагот понекогаш е прикажан како суштество без глава, но наместо тоа, неговото лице е на трупот. Ова може да биде погрешно толкување засновано на пишувањата на Шекспир во Отело, каде што антропофагите се опишани како „луѓе чии глави растат под нивните раменици “. Впрочем, тоа се однесува на една посебна, различна раса на митски суштества позната како Блеми, за кои се вели дека немаат глава, а нивните одлики на лицето се на градите.
Записи[уреди | уреди извор]
- Херодот прв напишал за андрофагите во својата „Историја“, каде ги опишал како едно од неколкуте племиња во близина на Скитија. Дополнителна белешка укажува на тоа дека андрофагите се канибали, како што се гледа од нивното име:
| „ | Антропофагите се подивјачки од која било друга раса. Тие ниту ја почитуваат правдата, ниту се регулираат со какви било закони. Тие се номади, а нивната облека е скитска но јазикот што го зборуваат им е својствен ним. За разлика од која било друга нација во овие делови, тие се канибали.
— Херодот Истории, Книга 4 (Мелпомена) |
“ |
- Филострат во Животот на Аполониј Тијански 6. 23 - 25,[2] го напишал следново:
| „ | „Насамонците и Андрофагите (човекојади) и Пигмеите (Пигмејците) и Скијаподите се исто така племиња на Атиопија (Етиопија) и се протегаат до Океанос Аитиопос (Етиопски Океан), каде морепловците некогаш влегуваат, освен како отпадници спротивно на нивната волја “. | “ |
- Плиниј Постариот подоцна во своето дело Природна историја (латински: Naturalis Historia) напишал дека истите канибали во близина на Скитија носеле скалпови на луѓе на своите гради.
| „ | Антропофагитеза кои претходно споменавме [...], според кажувањата на Исигон од Никија, имале навика да пијат од човечки черепи и да ги ставаат скалповите со прицврстена коса на нивните гради, како многу салфетки.
— Плиниј Постариот, Природна историја (Historia Naturalis), Книга 7, Поглавје 2 |
“ |
| „ | „Потоа следуваат региони [во Африка] чисто замислени: кон запад [на етиопското кралство Мерое] ... Агриофагите (јадачи на диви ѕверови), кои живеат главно од месо од пантери и лавови; Памфагите (сештојади), кои голтаат сè; Антропофагите (човекојади), чија храна е човечко месо “.
- Плиниј Постариот, Природна Историја 6. 195 |
“ |
- Амијан Марцелин во својата книга „Res gestae“ ги споменал антропофагите.
| „ | Покрај нив се Меланхламите и Антропофагите, кои лутаат по различни делови на земјата и живеат од човечко месо. И овие луѓе се избегнуваат толку многу заради нивната ужасна храна, што сите племиња кои биле нивни соседи живеат на растојание од нив. И така, целиот тој регион на североисток, сè додека не дојдете до Кинезите, е ненаселен.
— Амијан Марцелин, Res Gestae, Книга 31, 1862 |
“ |
Во литературата[уреди | уреди извор]
Веројатно е дека старогрчките дела влијаеле и на подоцнежните писатели.
- Најпознатата употреба се појавува во Отело на Вилијам Шекспир :
| „ | И од канибалите што се јадат едни со други, Антропофагите и луѓето чии глави растат под нивните раменици. (Отело, Чин 1. Сцена III) |
“ |
- Шекспир уште еднаш го спомнал антропофагот во Веселите жени од Виндзор.
- Т.Х Вајт исто така ги претставил антропофагите како непријатели на Робин Худ во неговиот роман „Мечот во каменот“ [3] .
- Американскиот романописец Рик Јенси ги инкорпорира митовите за антропофагите во своето издание „Монструмолог“ од 2010 година.
Поврзано[уреди | уреди извор]
Наводи[уреди | уреди извор]
- ↑ Charles Zika (2003). Exorcising Our Demons: Magic, Witchcraft, and Visual Culture in Early Modern Europe. BRILL. стр. 463–. ISBN 90-04-12560-4.
- ↑ „ANDROPHAGI (Androphagoi) - Man-Eating Tribe of Greek Legend“. www.theoi.com. Посетено на 2020-09-16.
- ↑ White, T.H. (1938). The sword in the stone. London: Collins. стр. 169.
Надворешни врски[уреди | уреди извор]
- Англиски речник од Оксфорд
- Оваа статија користи содржина од Циклопедија 1728, дело во јавна сопственост.