Алисон Марџори Ешби
Алисон Марџори Ешби MBE (7 февруари 1901 - 12 август 1987 година) била австралиска ботаничка сликарка и собирач на растенија.
Ран живот[уреди | уреди извор]
Ешби е родена во Аделаида, Јужна Австралија како најмлада ќерка од четирите деца, на прородонаучникот Едвин Ешби и неговата сопруга родена во Јужна Австралија, Естер Марија, роденото Колман. Во 1902 година, семејството се преселило во фармерскиот имот на Блеквуд наречен Витунга, сместен во подножјето на ридовите Аделаида, кој подоцна станал ботаничка градина Витунга . Ешби главно се школувала дома бидејќи била хендикепирана од срамежливост, лошо пелтечење и хипотироидизам. Охрабрена од нејзиниот татко, таа се заинтересирала за родните растенија и почнала да слика диви цвеќиња.
Кариера[уреди | уреди извор]
Од 1944 година, откако и двајцата родители ѝ умреле, Ешби почнала да прави подолги патувања за да собира растенија како примероци за разни хербариуми, а исто така и да размножува од семиња и стебленца. Таа била активен член на јужноавстралискиот огранок на Друштвото за одгледување австралиски растенија. Од 1963 до 1977 година, таа редовно патувала со автомобил секоја година за да собира и илустрира растенија, возејќи до Југозападна Австралија во зима и до австралиските Алпи во лето. Во 1972 година, таа се преселила во Виктор Харбор и починала во 1987 година
Наследениот дел на Ешби од имотот Витунга на нејзиното семејство бил дониран на Националниот труст на Јужна Австралија во 1957 година и станал 32ха резерват Ватипаринга. Нејзините 1500 ботанички слики биле претежно донирани на Јужноавстралискиот музеј и сега се чуваат во Државниот хербариум Растенијата именувани во нејзина чест вклучуваат Acacia ashbyae и Solanum ashbyae .
Почести и награди[уреди | уреди извор]
- MBE (1960)
- Австралиски медалјон за природна историја (1975)