Абер ми дојде од Солуна града

Од Википедија — слободната енциклопедија
Прејди на прегледникот Прејди на пребарувањето
„Абeр ми дојде од Солуна града“
Песна
ЈазикМакедонски
Напишана19??
Објавена?
Жанрмакедонска народна музика
Должина2:39 (Васка Илиева)
03:28 (Сузана Спасовска)
03:04 (Темјанушки)
Композитор(и)непознат, со разни
современи аранжмани

„Абер ми дојде од Солуна града“ - македонска народна песна, напишана од непознат автор кон крајот од преродбениот период или во периодот меѓу двете светски војни. Песната е посветена на Гоце Делчев кој пристигнува во Солун кој во меѓувреме е баран од османлиската власт. Во градот тој е застанат од аскери и го прашуваат за него, но бидејќи е преправен во ќумурџија, тие не го препознаваат дека е самиот Гоце Делчев и така тој избегнал негово фаќање. Песната има ајдутски карактер.

Карактеристики[уреди | уреди извор]

Песната е во изворен 7/8 такт.

Текст[уреди | уреди извор]

-Абер ми дојде од Солуна града:
солунчаните бесилка стаиле,
ќе ми го бесат Гоцета,
Гоцета Делчев војвода.

Гоце ми се сторил
црно ќумурџиче
па ми се шетал
Солунска чаршија.
На среќа сретнал аскери
и на Гоцета зборуваат:

- А бре ѓаурче, црно ќумурџиче
не ли го виде Гоцета,
Гоцета Делчев војвода?

- А бре аскери, вие бре аскери
и да го видам Гоцета,
јас Гоце не го познавам.

Наводи[уреди | уреди извор]

Надворешни врски[уреди | уреди извор]