Јазовец

Јазовец
Научна класификација
Царство:	Животни
Колено:	Хордати
Класа:	Цицачи
Ред:	Месојадци
Семејство:	Куни
Потсемејство:	Melinae Mellivorinae Taxidiinae
Родови
Arctonyx  Melogale  Meles  Mellivora  Taxidea

Јазовец (Melinae) е заедничко име за три рода кои припаѓаат на семејството Mustelidae: истото семејство на цицачи на коja припаѓаат творовите, ласиците, видрите и некои други останати ѕверови. Постојат осум видови на јазовци, сместени во три потсемејства: Melinae (јазовци во Европа и Азија), Mellivorinae (медојадни јазовци) и Taxideinae (американски јазовец).

Исхрана

Јазовецот се храни претежно со мали цицачи кои живеат на земја, па мошне чест плен му се прериските пци, кои ги ископува од подземните брлози. Тие се активни ноќе, а пленот го наоѓаат благодарејќи на добро развиеното сетило за мирис, вид и слух. Благодарејќи на силните предни нозе и канџи, јазовците се добри копачи, а тунелите кои ќе ги ископаат во потрага по плен ги користат и за спиење.

Размножување

Живеат самостојно, а во текот на сезоната на парење мажјаците и женките ги зголемуваат своите територии во потрага по партнер. Јазовците се парат во доцно лето или рана есен. Во рана пролет женките ги котат младите, најчесто од 1 до 5, во подземното дувло обложено со трева. Младите се раѓаат слепи и беспомошни, па женките ги хранат, негуваат и штитат уште 5 до 6 недели. Поголемиот дел од зимата го поминуваат мирувајќи, иако кај нив нема вистински зимски сон.

Распространетост

Јазовецот живее во САД, Северно Мексико и во Европа.

Јазовецот како мотив во уметноста

• „Јазо и светулките“ — расказ за деца на македонскиот писател Киро Донев од 2013 година.