Цезарија Евора

Од Википедија — слободната енциклопедија
Прејди на: содржини, барај
Цезарија Евора (Cesária Évora)

Цезарија Евора во Сан Диего, Калифорнија.
Биографски податоци
Роден(а) август 27 1941 (1941-08-27) (73 г.)
Миндело, Зелено'ртски острови
Починал(а) декември 17, 2011(2011-12-17) (на 70 год.)
Жанрови Морна
Фадо
Коладера
Занимања пејачка
Период на активност 1957 – 2011
Издавачи Lusafrica

Цезарија Евора (португалски: Cesária Évora; родена на 27 август 1941 - почина на 17 декември 2011) била популарна пејачка од Зелено'ртските острови. Позната е под прекарот босaта дива поради тоа што на за нејзините концерти настапувала без чевли. [1] Евора била светски најдобро познатиот изведувач на морна.

Биографија[уреди]

Куќата на Цезарија Евора

Таа го загубила својот татко на седумгодишна возраст. По неговата смрт, нејзината мајка не успевала да го издржи семејството со нејзините слаби приходи кои ги добивала како готвачка. Затоа Цезарија била оставена во дом за сираци. Своето прво искуство како пејачка го стекнува во хорот во домот за сираци.

На шеснаесет години, Евора се запознав еден морнар по име Едуардо, кој ја запознава со локалните стилови на музика (коладеирас и морнас). Морнас песните се песни на тага и копнеж. Таа започнала да пее во локалните барови и хотели. Со помош на локалните музичари ги усоврши своите пејачки вештини. Подоцна од своите обожаватели ќе биде прогласена за кралица на морнес. Станува позната пејачка на Зелено'ртските Острови.

Évora останала популарна подолго време, но нејзината слава, не довела и до финансиски успех. Исфрустрирана од лични и финансиски проблеми, надополнети од страна на многу тешка економска и политичка ситуација во Зелено'ртските Острови, Евора се откажува од пеењето за да може да го издржува нејзиното потесно семејство. Таа не пеела цели десет години, кои таа денес ги опишува како ја мрачни години. Во овој период таа имала и проблеми со алкохолизмот.

Евора продолжила со пеењето откако била охрабрена од еден зелено'ртски музичар кој во тоа време живеел во Португалија. Тој ѝ обезбедил покана за да може да дојде во Португалија, каде што настапувала на низа концерти спонзориран од страна на локалните женски организации.

Французинотот Хозе да Силва (кој по потекло е од Зелено'ртските Острови) ја убедил да замине за Париз, каде што таа го снима новиот албум, La Diva Aux Pieds Nus (Босоногата дива) во 1988 година. Песната Sodade е нејзиниот прв меѓународен хит, првиот хит на не-француската песна во Франција, и со тоа е означен почетокот на светска слава за Евора. Португалскиот збор saudade е комплексен и тешко е да се преведе, а поврзан е со носталгија, копнеж и тага. Израз на "sodade" е интегрален дел од музиката на Зелено'ртските острови. Овој албум доби позитивни критики, и претставува почеток на драматичното враќање кое понатаму беше потврдено со нејзиниот албум Miss Perfumado од 1992 година. Со ова таа станала меѓународнa ѕвезда на возраст од 47.

Цезарија Евора во 2002 и во 2006 година има настапувано и во Македонија.[2][3]

Дискографија[уреди]

Соло албуми[уреди]

Компилации и албуми во живо[уреди]

  • Sodade - Les Plus Belles Mornas de Cesária (Best of compilation, 1994)
  • Club Sodade (Remix album, 1996)
  • Live à l'Olympia (Live album, recorded at the Paris Olympia, 1996)
  • Colors of the World (Allegro Music, 1997)
  • Best Of' (Best of compilation, 1998)
  • Anthology (Best of compilation, 2002)
  • Anthologie - Mornas & Coladeras (Double CD edition of Anthology, 2004)
  • Live d'Amor (Live DVD, recorded in 2004 at Le Grand Rex, Paris, 2004)

Наводи[уреди]

  1. [1] globeandmail.com: Print Edition
  2. Анаконди, камили, фудбал и Цезарија Евора
  3. Цезарија Евора ќе умреше од горештина

Надворешни врски[уреди]