Хералдички службеник

Од Википедија, слободната енциклопедија
Прејди на: содржини, барај
Банери со беџови на неколку хералдички службеници во Колегијатот на грбови во Лондон.

Хералдички службеник е лице назначено од владетелот или државата со овластување да извршува една или повеќе од следниве функции:

По традиција овие хералдички службеници се делат на три ранга: хералдички кралеви, хералди и персеванти (следбеници). Службениците со постојана функција се нарекуваат редовни хералдички службеници, додека пак оние назначени привремено или понекогаш се нарекуваат вонредни хералдички службеници.

Средновековниот обичај да се назначуваат хералди или персеванти за потребите на едно благородничко семејство е сѐ уште честа практика во европските земји, особено во оние каде не постои официјален хералдички орган. Ваквата функција постои и во Шкотска, каде сѐ уште постојат четири приватни хералдички службеници. Овие функции се чисто советодавни.

Англија и Шкотска[уреди]

Разни високи хералди на годишна служба на Редот на Подвеската во Виндорскиот замок, Англија.

Во Англија пак, со сите хералдички работи раководат тринаесет редовни службеници кои го сочинуваат здружението на Кралеви, Хералди и Персеванти, и имаат надлежност над целиот Комонвелтот, со исклучок на Шкотска, Канада и ЈАР. Во Шкотска со хералдички работи раководат Лордот Лајон, три хералди, и три персеванти, во рамките на строг законски систем кој не постои дури ни во Англија. Лордот Лајон го назначува Круната, и, со овластување на Круната, тој самиот ги назначува другите шкотски службеници. Редовните службеници кои го сочинуваат Колегијатот на грбови се членови на кралскиот дом и примаат симболична плата.

Ирска[уреди]

Во Република Ирска, за хералдичките и генеалошките работи е задолжен службеникот наречен Главен хералд на Ирска, иако правната основа за оваа надлежност е јавно оспорена.

Холандија[уреди]

Во Холандија не постојат постојани хералдички функции. Приватната хералдика не е покриена со закон, додека пак со државната хералдика и хералдиката на благородништвото раководи Високиот совет на благородници. Меѓутоа на церемонијата на крунисувањето на монархот присуствуваат двајца кралеви на грбови и два или четири хералда. Овие лица обично се членови на Високиот совет на благородници. Како речиси сите други учесници на церемонијата, овие службеници денес не носат церемонијална облека, туку само бела пеперушка. Најстариот хералдички крал е тој што го прогласува наследникот за крал (или кралица), откако наследникот пред тоа ќе се заколне на верност кон уставот. Потоа од црквата Њивекерк во Амстердам, каде се одржува церемонијата, излегуваат хералдите за да му објават на народот надвор дека земјата има нов монарх. [1].

Македонија[уреди]

Хералдот на Македонското хералдичко здружение, м-р Јован Јоновски облечен во табардот на службата држи предавање за хералдиката

Иако во Република Македонија, како и во многу други земји, хералдиката не е регулирана со закон, органот кој доделува грбови и раководи со хералдички работи е Македонското хералдичко здружение, чиј главен харалдички службеник е хералдот Јован Јоновски, кој во своја служба има двајца персеванти: Петар Гајдов и Александар Гижаровски.[2]

Наводи[уреди]

  1. Van Cruyningen, passim.
  2. Одбор на МХЗ, со грбови на хералдичките службеници

Видете исто така[уреди]

Надворешни врски[уреди]