Теџал Десаи

Теџал Ашвин Десаи (англиски: Tejal Ashwin Desai, р. 3 јуни 1972) — американски научник и просветител ^[1]. Таа ќе биде вториот декан на Школата за инженерство при Брауновиот универзитет во Провиденс, Род Ајленд, САД. Претходно, Десаи беше професор во Одделот за биоинженерство и терапевтски науки на Калифорнискиот универзитет, Сан Франциско, каде пристигна во 2006 година. Таму, таа исто директоруваше со иницијативата „Здравствени Иновации преку Инженерство“ (HIVE, англиски: Health Innovations via Engineering)^[2] и раководеше со Лабораторијата за терапевтска микро- и нанотехнологија ^[3]. Десаи меѓу 1998-2001 година беше доцент на Илиноискиот универзитет во Чикаго, а потоа меѓу 2002-2006 година беше вонреден професор на Бостонскиот универзитет во Масачусетс.

Десаи има напишано барем една книга во областа на терапевтската микро- и нанотехнологија^[4] и уште една книга за биоматеријали.

Образование[уреди | уреди извор]

Десаи дипломираше во 1994 година на програмата за биомедицинско инженерство при Брауновиот универзитет. Веднаш потоа ги започна докторските студии на Одделот за биоинженерство при Калифорниските универзитети, Сан Франциско и Беркли. Таму нејзин ментор беше Мауро Ферари. Десаи се здоби со звањето доктор на науки во 1998 година.

Награди и признанија[уреди | уреди извор]

Десаи е добитник на бројни признанија за нејзината истражувачка работа. Исто така, таа е наградена за нејзините напори за инклузивност и еднаквост во техничките и природните науки. Меѓу најбитните признанија на Десаи се вбројуваат:

Член на Американскиот институт за медицинско и биолошко инженерство (2012) ^[5]
Член на Друштвото за биомедицинско инженерство
Член на Националната академија за медицина на САД
Член на Националната академија за иноватори на САД
Награда „Џудит Пул“ од Севернокалифорниската Асоцијација на жени научнички
Награда на Канцеларот на Калифорнискиот универзитет, Сан Франциско за напредок на жените

Меѓу 2020-2022, Десаи беше претседател на Американскиот институт за медицинско и биолошко инженерство ^[6]. Таа оваа позиција ја искористи да се залага за повеќе вложување во науката и решавање на нерамноправноста во работната сила во научната и инженерската струка.

Лични податоци[уреди | уреди извор]

Десаи е мажена и има три деца ^[7].

Наводи[уреди | уреди извор]

↑ „Accomplished biomedical engineer, academic leader named Brown School of Engineering dean“. Brown University (англиски). Посетено на 2022-01-18.
↑ „Desai named the director of new UCSF bioengineering initiative“. UCSF School of Pharmacy (англиски). 2019-02-28. Посетено на 2022-01-18.
↑ „About · Desai Lab“. Desai Lab (англиски). Посетено на 2022-01-18.
↑ Desai, Tejal (2010). BioMEMS and Biomedical Nanotechnology Volume III: Therapeutic Micro/Nanotechnology. Springer. ISBN 9781441938053. line feed character во |title= во положба 38 (help)
↑ „Tejal Desai, Ph.D. COF-1412 - AIMBE“ (англиски). Посетено на 2022-01-18.
↑ „AIMBE Past Presidents - AIMBE“ (англиски). Посетено на 2022-01-18.
↑ „Tejal Ashwin Desai, class of 1994 | The Pembroke Center Oral History Project“. www.brown.edu. Посетено на 2022-01-18.

[1] „Accomplished biomedical engineer, academic leader named Brown School of Engineering dean“. Brown University (англиски). Посетено на 2022-01-18.

[2] „Desai named the director of new UCSF bioengineering initiative“. UCSF School of Pharmacy (англиски). 2019-02-28. Посетено на 2022-01-18.

[3] „About · Desai Lab“. Desai Lab (англиски). Посетено на 2022-01-18.

[4] Desai, Tejal (2010). BioMEMS and Biomedical Nanotechnology Volume III: Therapeutic Micro/Nanotechnology. Springer. ISBN 9781441938053. line feed character во |title= во положба 38 (help)

[5] „Tejal Desai, Ph.D. COF-1412 - AIMBE“ (англиски). Посетено на 2022-01-18.

[6] „AIMBE Past Presidents - AIMBE“ (англиски). Посетено на 2022-01-18.

[7] „Tejal Ashwin Desai, class of 1994 | The Pembroke Center Oral History Project“. www.brown.edu. Посетено на 2022-01-18.

[1]

[2]

[3]

[4]

[5]

[6]

[7]