Манастир „Св. Јован Претеча“ - Дервент
| Свети Јован Претеча | |
|---|---|
| Αγίας Βαρβάρας | |
 Поглед на манастирската црква | |
 | |
| 41°16′28″N 23°10′3″E / 41.27444° СГШ; 23.16750° ИГД | |
| Место | Дервент, Валовишко |
| Земја | Егејска Македонија, Грција |
| Вероисповед | Цариградска патријаршија |
| Мреж. место | timiosprodromos.gr |
| Архитектура | |
| Завршена | 1981 |
| Управа | |
| Епархија | Валовишка |
Свети Јован Претеча (грчки: Ιερό Ησυχαστήριο Τιμίου Προδρόμου Ακριτοχωρίου) — женски манастир кај селото Дервент, Валовишко, Егејска Македонија. Влегува во состав на Валовишката епархија на Цариградската патријаршија.[1][2]
Манастирот се наоѓа на околу 1 км северозападно од Дервент и 24 км од Валовишта. Нуди убава глетка на Бутковското Езеро и планината Беласица. Изграден е во 1981 г. и претставува еден од најважните женски манастири во државата, под духовно раководство на светогорскиот манастир Ксенофонт.
Во манастирот се чуваат мошти на Свети Јован Претеча, Апостол Јаков Праведниот (Братот Христов) и Света Ана. Во 2012 г. новата манастирска црква е осветена од патријархот Вартоломеј I. Храмот зафаќа површина од 500 м2 претставува точна копија на старата црква на манастирот Ксенофонт — светогорски крстокуполен храм од X век. Изграден е наполно од традиционални материјали — камен, мермер и тули. Сестринството се занимава со иконопис и минијатура, како и со земјоделство.[1]
Западната фасада на црквата е изградена за да изгледа истоветно на катедралата „Св. Софија“ во Охрид.
Поврзано[уреди | уреди извор]
Наводи[уреди | уреди извор]
- ↑ 1,0 1,1 „Ιερό Ησυχαστήριο Τιμίου Προδρόμου Ακριτοχωρίου“. Μοναστήρια της Ελλάδος. Посетено на 29 јуни 2017.[мртва врска]
- ↑ „Ιερά Μονή Τιμίου Προδρόμου Σερρών“. Ιερά Μονή Τιμίου Προδρόμου Σερρών. Архивирано од изворникот на 2017-06-07. Посетено на 29 јуни 2017.