Бутковско Езеро
| Бутковско Езеро Λίμνη Κερκίνη |
|
|---|---|
 |
|
| Координати | |
| Тип | вештачко (проширена бара) |
| Главен прилив | Струма |
| Главен истек | Струма |
| Земји во сливот | Грција (Егејска Македонија) |
| Макс. должина | 17 км |
| Макс. ширина | 5 км |
| Површина | 109,96 км² |
| Макс. длабочина | 35,5 м |
| Надм. височина на површината | 35 м |
Бутковско Езеро (грч. Λίμνη Κερκίνη, Лимни Керкини), е езеро во Егејска Македонија, дел од групата на Егејските езера.
Езерото се наоѓа кај селото Бутково (Серско). Според историските податоци, во антиката се нарекувало Прасида, а во неговата околина живееле Пајонци. Херодот зборува за нивните наколни населби во езерата Бутково и Тахино.
Содржина |
Географија [уреди]
Езерото се наоѓа меѓу планините Беласица и Круша, во северниот дел на Серското Поле.Претставува котлина на текот на реката Струма. Порано било големо блато, но во 1932 г. неговата површина е зголемена со преградување на источниот и јужниот дел.Во 1982 г. браната е зголемена, со што се зголемило и нивото на водата за 4-8 м. Северниот дел е блатест со просторна пловна вегетација. Опколено е од ниви, плантажи со тополи и ридови, покриени со листопадни шуми. Прогласено за природен резерват.
Хидролошки податоци [уреди]
Се наводнува главно од реката Струма, како и од неколку мали рекички од Беласица и Круша. Езерото постојано ја менува големината во зависност од сезоната и врнежите.
Флора и фауна [уреди]
Гнездење [уреди]
Кај езерото гнездат следниве птици:
- мал нуркач (Tachybaptus ruficollis) (240+ двојки)
- цуцулест нуркач (Podiceps cristatus) (120+ двојки)
- голем корморан (Phalacrocorax carbo sinensis) (140 двојки)
- мал корморан (Phalacrocorax pygmeus) (50 двојки)
- мал воден бик (Ixobrychus minutus) (30 двојки)
- ноќна чапја (Nycticorax nycticorax) (100 двојки)
- Жолта (гривеста) чапја (Ardeola ralloides) (85 двојки)
- мала бела (сребреникава) чапја (Egretta garzetta) (170 двојки)
- Пепелава (сива) чапја (Ardea cinerea) (156 двојки)
- црвена чапја (Ardea purpurea) (35 двојки)
- бел штрк (Ciconia ciconia) (200 двојки)
- црн (блескав) ибис (Ibis Plegadis falcinellus) (40 двојки)
- чапја лажичарка (Platalea leucorodia) (30 двојки)
- обична (дива) гуска (Anser anser) (20+ двојки)
- кафеава потопница (Aythya nyroca) (20 двојки)
- црвенонога сабјарка (Himantopus himantopus) (60 двојки)
- обична вртимушка (Sterna hirundo) (20 двојки)
- белобрада рибарка (Chlidonias hybridus) и рибарска вртимушка (Chlidonias niger) (50 двојки).
Во околните шуми гнездат: црна луња (Milvus migrans), орел змијар (Circaetus gallicus), јастреб краткопрст (Accipiter brevipes), мал креслав (пегав) орел (Aquila pomarina), џуџест (мал) орел (Hieraaetus pennatus).
Преселници [уреди]
За време на преселбите се среќаваат: цуцулест нуркач (Podiceps cristatus), розов (обичен) пеликан (Pelecanus onocrotalus) (100+), жолта (гривеста) чапја (Ardeola ralloides) (1.500), мала бела (сребреникава) чапја (Egretta garzetta) (3.500), црн штрк (Ciconia nigra) (макс. забележан број 30), модронога сабјарка (Recurvirostra avosetta) (2.900), бојник (Philomachus pugnax) (5.000+) и црноопашна блатарка (Limosa limosa) (8.000) .
Презимување [уреди]
Крај езерото презимуваат следниве птици: голем корморан (Phalacrocorax carbo sinensis) (2,400), мал корморан {Phalacrocorax pygmeus) (3.000), белоглав (кадроглав) пеликан (Pelecanus crispus) (600), голема бела чапја (Egretta alba) (1,100), белочелна (лисеста) гуска (Anser albifrons) (300+), обична (дива) гуска (Anser anser) (200+), патка берија (Anas crecca) (макс. 40.000), дива патка (Anas platythynchos) (макс. 31.000). мала белочелна гуска (Anser erythropus) и пепелав (сив) жерав (Grus grus).
Надворешни врски [уреди]
- Бутковско Езеро (англиски)
