Конопларче
| Конопларче | |
|---|---|
| |
| Мажјак во сезона на парење, Англија | |
| |
| Женка во Шкотска | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Ѕвингалки |
| Род: | Carduelis |
| Вид: | Конопларче |
| Научен назив | |
| Carduelis cannabina (Linnaeus, 1758) | |
Конопларчето (науч. Carduelis cannabina) е мала врапчевидна птица од семејството на ѕвингалките (Fringillidae). Се размножува низ Европа, западна Азија и северна Африка. Ја има и во Македонија. Делумно е постојан жител, но многу птици од северот и истокот се селат на југ од опсегот или на крајбрежјата. Нејзиното научно име, како и македонското, се однесуваат на конопот, поточно на семето од лен, кое го фаворизира.
Опис[уреди | уреди извор]
Конопларчето е тенка птица со долга опашка. Во должина е околу 13 см, има распон на крилјата околу 25 и тежи 21 грам. Горните делови се кафеави, грлото валканобела боја, клунот сив. Карактеристични кај мажјакот во сезоната на парење се црвената дамка на круната и црвените гради. Женките и младенчињата немаат црвена боја, нивните долни делови се белкави, а градите се избраздени со линии, кремавопортокалови. Главата им е сивокафеава.
Поведение[уреди | уреди извор]
Живеалиштето на конопларчето се отворените пространства, пустарите со ниски грмушки за гнездење. Се среќава и во парковите и градините, а понекогаш и близу до човекот од кој не се плаши. Гнездото го прави во ниските грмушки и несе 4-7 јајца.
Овој вид вон сезоаната на парење формира големи јата, понекогаш и со други видови.
Песната на конопларчето е пријатно брзо чрчорење, помешано со разни мелодии.
Се храни на земја или ниско во грмушките, претежно со семиња, со кои ги храни и младенчињата. Сака мали и средни семиња, мешунки и понекогаш јаде скакулци.
Подвидови[уреди | уреди извор]
Има неколку подвидови:
- Carduelis cannabina bella
- Carduelis cannabina autochthona
- Carduelis cannabina guentheri
- Carduelis cannabina cannabina
- Carduelis cannabina harterti
- Carduelis cannabina meadewaldoi
- Carduelis cannabina mediterranea
Галерија[уреди | уреди извор]
-
Пилиња во гнездо -
Мажјак -
Мажјак (лево) и женка (десно) -
Мажјак на гранче, лете -
Конопларче во градина
Наводи[уреди | уреди извор]
- ↑ BirdLife International (2012). „Carduelis cannabina“. IUCN Red List. Version 2012.1. International Union for Conservation of Nature. Посетено на 16 July 2012.
Надворешни врски[уреди | уреди извор]
 |
„Конопларче“ на Ризницата ? |
- Avibase[мртва врска]
- ARChive Архивирано на 13 декември 2007 г. Фотографии, видео
- BBC Wildlifefinder BBC видео, звуци и информации за конопларчето
- Возраст и пол (PDF; 4.8 MB) од Javier Blasco-Zumeta & Gerd-Michael Heinze Архивирано на 25 ноември 2011 г.