Доверски Проток

Од Википедија — слободната енциклопедија
Прејди на: содржини, барај
Доверскиот Проток на карта
Поглед на англискиот брег од Франција

Доверскиот Проток (англиски: Strait of Dover) или Калеански Проток (француски: Pas de Calais) е проток на најтесниот дел од каланлот Ламанш помеѓу Англија и Франција. Нрајкраткото растојание се протега од јужниот карпест 'рт, 6 км североисточно од градот Довер во грофовијата Кент, Англија до 'ртот Гри Не близу градот Кале во департманот Па де Кале, Франција. Овој потег е најпопуларната патека за препливување на каналот, бидејќи тука растојанието изнесува само 34 км.[1]

При ведри услови денски може да се забележи спротивниот брег и крајбрежните објекти, а навечер се гледаат светлата од населените места. Ваквата глетка е опеана во „Доверската плажа“ (1867) од Метју Арнолд.

Бродски сообраќај[уреди]

Белите доверски карпи

Најголемиот дел од поморскиот сообраќај помеѓу Атлантскиот Океан и Северното и Балтичкото Море минува низ Доверскиот Проток, наместо по подолгиот и поопасен пат околу северот на Шкотска. Овој проток е најпрометниот морски пат во светот, со над 400 стопански пловила дневно. Британската крајбрежна стража деноноќно патролира по подрачјето и налага строг режим на траси.[2]

Покрај интензивниот сообраќај во правецот исток-запад, протокот редовно го преминуваат и траекти што го поврзуваат Довер со Кале и Булоњ. Во 1994 е отворен Евротунелот, кој ги поврзува Англија и Франција со железница на просечна длабочина од 45 м под морското дно.

Поврзано[уреди]

Наводи[уреди]

  1. "English Channel". The Cambridge Paperback Encyclopedia, 1999.
  2. See Информативна служба за пловидба по каналот (CNIS) (англиски)

Надворешни врски[уреди]