Деметриос Кокидис
| Деметриос Кокидис | |||||
|---|---|---|---|---|---|
| Декан на Филозофската школа (Национален и Каподистриски универзитет во Атина | |||||
| На должноста 1887–-1888 | |||||
| Претходник | Христос Пападопулос | ||||
| Наследник | Константинос М. Мицопулос | ||||
| Директор на Националната опсерваторија во Атина | |||||
| На должноста 1884–1890 | |||||
| Претходник | Јохан Фридрих Јулиус Шмит | ||||
| Наследник | Демитриос Егинитис | ||||
| Лични податоци | |||||
| Роден(а) | ноември 4, 1840 Атина, Грција | ||||
| Починал(а) | Атина, Грција | ||||
| Националност | Грк | ||||
| Професија | Професор, декан | ||||
| Познат(а) по | Астрономија | ||||
| |||||
Деметриос Кокидис (грчки: Δημήτριος Κοκκίδης; 4 ноември 1840 – 11 февруари 1896 година) бил астроном, математичар, физичар, професор и декан. Кокидис бил четвртиот претседател на Атинската опсерваторија по смртта на Јохан Фридрих Јулиус Шмит. Бил еден од ретките грчки астрономи од 20 век по Георгиос Константинос Вурис и Јоанис Пападакис. Направил опширно истражување и пишувал статии за Меркур, Сонцето, Месечината и разни метеоролошки феномени.[1][2]
Деметриос бил роден во Атина. Неговиот татко бил грчкиот воен херој Космас Кокидис. Козмас предавал и на Евелпидон, а братот на Деметриос, Ификратис Кокидис бил истакнат воен инженер. Од млада возраст, Деметриос покажал знаци на повисока интелигенција и го привлекол вниманието на грчкиот претприемач и филантроп Симон Синас. Деметриос студирал астрономија на Универзитетот во Берлин и на Берлинската опсерваторија под надзор на Јохан Франц Енке. Неговата дисертација во 1862 г. била насловена Варијации на деклинациите на ѕвездите θ Голема Мечка и β Драко (Variationibus Declinationum Stellarum θ Ursae Majoris et β Draconis). Студирал и во Париз до 1877 година.[3][4]
Деметриос се вратил во Грција и предавал на три различни институции додека пишувал за две публикации Парнасос и Естија. Кратко работел како декан на Филозофската школа која била дел од Универзитетот во Атина. За неговиот истакнат придонес во областа на астрономијата, бил награден со Орденот на Спасителот од Грција. Слични награди добил и од Шпанија и Прусија. Починал во Атина во 1896 година на 55-годишна впозраст.[5]
Историја[уреди | уреди извор]
Бил роден во Атина и бил од престижно академско семејство. Неговата мајка се викала Фани, а татко му Космас Кокидис. Козмас се борел во Грчката војна за независност и на крајот станал професор на Евелпидон. Братот на Деметриос, Ификратис Кокидис, исто така бил војник и професор на Евелпидон. Во октомври 1850 година, Деметриос посетувал јужна гимназија, а три години подоцна, во септември 1853 година, бил примен во првото кралско средно училиште во Атина. Еден од неговите професори бил физичарот и математичар Атанасиос Кизикинос. Деметриос дипломирал со високи почести во јуни 1858 година.[6] Бидејќи бил извонреден студент, Деметриос го привлекол вниманието на грчкиот филантроп и ројалист Симон Синас. Синас и неговиот татко Георгиос Синас биле одговорни за подигање на Националната опсерваторија на Атина. Двајцата биле поврзани со грчките астрономи Георгиос Константинос Вурис и Јохан Фридрих Јулиус Шмит. Деметриос избрал да студира астрономија на Универзитетот во Берлин и на Берлинската опсерваторија.[7] Неговиот професор бил светски познатиот астроном Јохан Франц Енке; Деметриос исто така бил поврзан со Карл Кристијан Брунс додека бил во Опсерваторијата. Завршил дисертација во 1862 година насловена: Варијации на деклинациите на ѕвездите θ Голема Мечка и β Драко (Variationibus Declinationum Stellarum θ Ursae Majoris et β Draconis), а потоа ги продолжил студиите во Париз до 1877 година повремено враќајќи се во Грција.[8][9]
Деметриос трајно се вратил во Грција и бил назначен за кустос на опсерваторијата во Атина на 16 април 1877 година. На 30 март 1881 година, станал професор по астрономија на Универзитетот во Атина каде предавал географија, астрономија, метеорологија, климатологија и математика. Исто така, предавал геодезија, астрономија и виша математика на Евелпидон и на Грчката поморска академија по стапките на неговиот татко Козмас. Светски познатиот грчко-германски астроном Јохан Фридрих Јулиус Шмит починал во 1884 година. Кокидис тогаш ја презел неговата улога како директор на Атинската опсерваторија и станал четврти директор. За време на неговиот мандат, напишал огромен број на статии од областа на астрономијата и ги проширил постојните метеоролошки станици додавајќи ги оние во Крф, Закинтос и Лариса. Станал декан на Филозофската школа во учебната 1887–1888 година која била дел од Универзитетот во Атина.[10][1]
Неуморно работел за да ги зајакне односите меѓу Атинската опсерваторија и нејзините меѓународни колеги. За придонес во астрономијата го добил Орденот на Спасителот од грчката држава и слични награди од Шпанија и Прусија. Од 1840 година до 1869 година бил консултант на Атинското археолошко друштво. Деметриос пишувал за публикацијата Естиа.[5] Станал член на научната поделба на Литературното друштво Парнасос во 1870 година.[5] Организацијата објавила и публикација. Клубот Парнасос сега е сместен во приватна куќа на плоштадот Свети Ѓорѓи дизајнирана од неговиот брат Ификратис Кокидис.[11]
Литературни дела[уреди | уреди извор]
| Датум | Наслов | Наслов на англиски јазик |
|---|---|---|
| 1862 година | Variationibus Declinationum Stellarum θ Ursae Majoris et β Draconis | Варијации на деклинациите на ѕвездите θ Голема Мечка и β Драко |
| 1869 година | Έκθεσις περί του Αστεροσκοπείου Αθηνών | Набљудувања направени во Атинската опсерваторија |
| 1871–1872 година | Περί Διπλών Αστέρων | Двојни ѕвезди |
| 1872–1873 година | За Πλανητικού Συστήματος | Планетарни системи |
| 1876 година | Περί Ηλίου | Сонцето[5] |
| 1878 година | Ανακαλύψεως Ουρανίων Σωμάτων δια του Υπολογισμού | За откривањето на небесните тела преку пресметување |
| 1890 година | Ίδιον Άξονα Κινήσεως του Ерму | Движењето на Меркур околу неговата оска |
Наводи[уреди | уреди извор]
- ↑ 1,0 1,1 Stefanidis 1952.
- ↑ Staff Writers (December 11, 2022). „Acting Deans“. National and Kapodistrian University of Athens. Посетено на December 11, 2022.
- ↑ Triandafillos Sklavenitis (December 11, 2022). „Kokkidis Dimitrios“. Institute for Neohellenic Research. Посетено на December 11, 2022.
- ↑ Harvey & Matsopoulos 2020.
- ↑ 5,0 5,1 5,2 5,3 Savaidou 2010.
- ↑ Kokkidis 1862.
- ↑ Staff Writers (January 3, 2023). „Demetrios K Kokkidis“. American Astronomical Society. Посетено на January 3, 2023.
- ↑ Staff Writers (December 11, 2022). „Kokkidis Dimitrios Nekrologia (ΝΕΚΡΟΛΟΓΙΑ)“. Kosmopolis Historical Calendar. Посетено на December 11, 2022.
- ↑ Harprecht 1862.
- ↑ Staff Writers (December 11, 2022). „Demetrios Kokkidis (Δημήτριος Κοκκίδης)“. Online Compendium of Greek and German. Посетено на December 11, 2022.
- ↑ Tampakis & Vlahakis 2020.
Библиографија[уреди | уреди извор]
- Stefanidis, Michail K. (1952). Εθνικόν και Καποδιστριακόν Πανεπιστήμιον Αθηνών Εκατονταετηρίς 1837-1937. Τόμος Ε′, Ιστορία της Φυσικομαθηματικής Σχολής [National and Kapodistrian University of Athens Centenary 1837-1937. Volume V, History of the Faculty of Physics and Mathematics] (PDF). Athens: National and Kapodistrian University of Athens.
- Savaidou, Irini Mergoupi (2010). 'Δημόσιος Λόγος περί Επιστήμης στην Ελλάδα, 1870–1900: Εκλαϊκευτικά Εγχειρήματα στο Πανεπιστήμιο Αθηνών, στους Πολιτιστικούς Συλλόγους και στα Περιοδικά [Public Discourse about Science in Greece, 1870-1900: Population Projects at the University of Athens, in Cultural Associations and Magazines] (PDF). Athens, GR: Department of History and Philosophy of Science of the University of Athens.
- Harvey, Stephen; Matsopoulos, Nicolas (2020). The Moon A Translation of Der Mond by Johann Friedrich Julius Schmidt. Horsham, United Kingdom: Springer. ISBN 978-3-030-37269-9.
- Theodossiou, E.Th.; Manimanis, V.N.; Mantarakis, P. (2007). „Demetrios Eginitis Restorer of the Athens Observatory“ (PDF). Journal of Astronomical History and Heritage. 10 (2): 123–132. Bibcode:2007JAHH...10..123T. doi:10.3724/SP.J.1440-2807.2007.02.05. ISSN 1440-2807. Посетено на August 26, 2022.
- Tampakis, Kostas; Vlahakis, George N. (2020). Science and Literature: Imagination Medicine and Space (PDF). Athens, Greece: National Hellenic Research Foundation. ISBN 978-960-7905-78-9.
- Harprecht, Adalbertus (1862). De Computationibus Functionum Ellipticarum, Quarum Moduli Sunt Reales [On the Computations of Elliptic functions Whose modules are real.]. Berlin, Germany: University of Berlin.
- Kokkidis, Demetrios (1862). Variationibus Declinationum Stellarum θ Ursae Majoris et β Draconis [Variations of the Declinations of the Stars θ Ursa Major and β Draco] (PDF). Berlin, Germany: University of Berlin.
Надворешни врски[уреди | уреди извор]
|