Ботиаја
Од Википедија, слободната енциклопедија
Ботиаја била античка област во средишниот дел на Античка Македонија меѓу Пиерија и Елимеја на југ, Еордаја на запад, Алмопија на север и Амфакситида на исток. Долниот тек на Халијакмон и планинските венци на Бермион и Пајак претставуваат нејзини природни граници.[1] Кај античките автори најчесто се спомнува како посебна област и тоа како област во која првиот македонски крал Пердика, според пророштвото, треба да основа град – престолнината на македонските кралеви – Ајга, а исто така тука е и втората престолнина -Пела.[2] Во римско време се споменуваат градовите: Кир, Скидра, Миеза, Ихне, Алор, Тириса и др.[3]
