Американска академија на уметностите и науките
| Американска академија на уметностите и науките American Academy of Arts and Sciences |
|
 Лого на академијата |
|
| Гесло | „Да се негуваат сите уметности и науки кои би го унапредиле интересот, честа, достоинството и среќата на еден слободен, независен и доблесен народ.“ |
|---|---|
| Основана | 1780 |
| Тип | политички истражен центар |
| Цел | повеќедисиплински изучувања на сложени и престојни проблеми |
| Седиште | Кембриџ, Масачусетс, САД |
| Членство | 4.000 академици |
| Претседател | Лезли Берловиц |
| Мреж. место | http://www.amacad.org |
Американската академија на уметностите и науките (англ. American Academy of Arts and Sciences) е независен центар за политичко истражување кој врши повеќедисциплински изучувања на сложени и престојни проблеми од разни области. Членовите на академијата се предводници во академските дисциплини, уметностите, деловното работење и јавниот сектор.
Содржина |
Историја [уреди]
Академијата е основана во 1780 во Бостон за време на Американската револуција. Нејзини основачи се општествениците Џејмс Боудин, Џон Адамс и Џон Хенкок. Според повелбата, академијата има за цел да „[ги] негува сите уметности и науки кои би го унапредиле интересот, честа, достоинството и среќата на еден слободен, независен и доблесен народ“. Во основањето учествувал и правникот Роберт Трит Пејн и начелници на 58 месни заедници. Меѓу првите членови на академијата се вбројуваат разни истакнати дејци како Бенџамин Френклин, Џорџ Вашингтон, Томас Џеферсон и Александар Хамилтон.
Дејност [уреди]
Денес академијата е сместена во Кембриџ, Масачусетс. Во состав на нејзината дејност, академијата приредува конференции, организира истражни проекти и го објавува тримесечникот Dædalus („Дедал“). Има околу 4.000 академици и 600 странски почесни членови. Околу 200 члена се добитници на Нобеловата награда.
Поврзано [уреди]
Надворешни врски [уреди]
- Официјална страница (англиски)
- Тековни членови на академијата (англиски)
Медиумски материјали поврзани со Американската академија на уметностите и науките на Ризницата.
