Macedonian Journal of Chemistry and Chemical Engineering

Од Википедија — слободната енциклопедија
Прејди на прегледникот Прејди на пребарувањето
Macedonian Journal of Chemistry and Chemical Engineering  
Насловна страна на Macedonian Journal of Chemistry and Chemical Engineering.png
Скратен наслов (ISO)Maced. J. Chem. Chem. Eng.
ДисциплинаХемија
Јазиканглиски
УредникЗоран Здравковски
Издавање
Издавач
Историја1974-денес
Честотадвапати годишно
Отворен пристапда
Фактор на влијание0,676 (2011-2015)
Заведување
ISSN1857-5552 (печатено)
1857-5625 (семрежно)
Врски

Macedonian Journal of Chemistry and Chemical Engineering е македонско научно списание од областа на хемијата и хемиското инженерство.

Историја на уредувачката политика[уреди | уреди извор]

Корица на првиот број на Гласникот на хемичарите и технолозите на Македонија

Списанието за првпат излегува откако Хемискиот институт при Природно-математичкиот факултет и Технолошко-металрушкиот факултет се откажаа од своите соодветни списанија и обединети во Друштвото на хемичарите и технолозите на Македонија во 1974 година го објавуваат под називот Гласник на хемичарите и технолозите на Македонија. Прв главен и одговорен уредник е Бојан Шоптрајанов и списанието е моделирано според соодветните списанија со долга традиција во тогашна Југославија, пред сè на хрватското Croatica Chemica Acta и на српското Гласник хемијског друштва според критериумите на Documenta Chemica Yugoslavica. Во тоа време трудовите се објавувале покрај на македонски и на српски, француски, германски, руски и англиски јазик. Треба да се истакне дека авторите не плаќаат за објавување и не се хонорираат, рецензентите не добиваат хонорари, ниту уредниците – пракса што е задржана до денес.

Во 1989 година под раководство на главниот и одговорен уредник Светомир Хаџи-Јорданов за да се подобри квалитетот се менува уредувачката политика и трудови се објавуваат само на англиски и тоа прегледни трудови, оригинални научни трудови, куси соопштенија, стручни трудови и трудови од образование. На македонски се објавуваат само насловите и извадоците од трудовите како и вести и некои специјални прилози. Исто така, се воведува практиката трудовите се рецензираат од двајца рецензенти, од кои барем еден надвор од Македонија. Што е исто важно веќе не се објавуваат проширени апстракти од конгресите на Сојузот на  хемичарите и технолозите на Македонија.

Во 2006 година под раководство на главниот и одговорен уредник Елеонора Винкелхаузен се менува називот во Macedonian Journal of Chemistry and Chemical Engineering (MJCCE), се поставува мрежно место и списанието станува од отворен пристап. Влегува во Directory of Open Access Journals и се пристапува кон исполнување на условите за фактор за влијание, покрај веќе усвоените принципи и редовно излегување и избор на меѓународен уредувачки одбор.

Во 2010 година списанието влегува во базата Science Citation Index Expanded и го добива нивниот реномиран фактор на влијание. Под раководство на главниот и одговорен уредник Зоран Здравковски се пристапува кон осовременување односно воведување на електронско менаџирање на уредувачкиот процес. Во 2012 година списанието е поставено на Open Journal Systems платформата која е од отворен пристап и овозможува целосно електронско следење на уредувачкиот процес, објавувањето на трудовите на веб, притоа внесување на мета податоци неопходни за индексирање на трудовите, дигитално архивирање итн. Исто така, за да се подобри квалитетот трудовите се праќаат во Англија на англиска професионална лектура од областа на хемијата и хемиската технологија. Во 2016 година секој труд добива и свој т.н. дигитален идентификатор, DOI – digital object identifier, со што списанието ги исполнува сите најновите барања на современо електронско научно списание.

Фактор на влијание[уреди | уреди извор]

  • 2016 – пет годишен (2011-2015) - 0,676
  • 2016 (2014-2015) - 0,400
  • 2015 - пет годишен (2010-2014) - 0,650
  • 2015 (2013-2014) - 0,533
  • 2014 - пет годишен (2009-2013) - 0,622
  • 2014 (2012-2013) - 0,310
  • 2013 (2011-2012) - 0,821
  • 2012 (2010-2011) - 1,079
  • 2011 (2009-2010) - 0,459
  • 2010 (2008-2009) - 0,200

Главни и одговорни уредници[уреди | уреди извор]

Индексирање[уреди | уреди извор]

               Списанието се индексира во поголем број  реномирани бази како што се: Chemical Abstracts, Science Citation Index Expanded (SciSearch®), Chemistry Citation Index®, Journal Citation Reports/Science Edition, Directory of Open Access Journals (DOAJ), Scopus, EBSCO и други.

Специјални броеви[уреди | уреди извор]

               Досега се излезени посебни боеви посветени на видни научници од областа на хемијата и хемиската технологија од Македонија по повод нивни јубилеи:

Надворешни врски[уреди | уреди извор]