Шванова клетка

Од Википедија — слободната енциклопедија
Прејди на прегледникот Прејди на пребарувањето
Структура на типичен неврон

Шванови клетки или невролемоцити се главни глија клетки на периферниот нервен систем (ПНС). Глија клетките имаат функција во потпора на невроните, а во ПНС ги вклучуваат и сателитските глија клетки, клетките кои ги обвиткуваат олфакторните нерви, цревните глија клетки и глија клетки кои се сместени на краевите на сензорните нерви, како Пачиниевите телца. Има два типа на Шванови клетки, миелинизирачки и немиелинизирачки. Миелинизирачките Шванови клетки ги обвиткуваат аксоните на моторните и сензорните неврони и ја формираат миелинската обвивка.

Швановите клетки имаат улога во многу важни биолошки аспекти на периферните нерви - спроведувањето на нервните импулси по должината на аксоните, развојот на нервите и нивната регенерација, нутритивна потпора за невроните, создавање на екстраклеточниот матрикс, модулирањето на невромускулната синаптичка активност и прикажување на антигени на Т-клетките.