Хотел Трансилванија
Хотел Трансилванија (англиски: Hotel Transylvania) - американски анимиран филм од 2012 година, во режија на Генди Тартаковски. Гласовите во филмот ги позајмуваат: Адам Сендлер, Селена Гомес, Кевин Џејмс, Стив Бушеми итн.
Содржина[уреди | уреди извор]
Во еден напуштен замок живее вампирот Дракула со својата ќерка Мејвис. Всушност, замокот претставува хотел во којшто престојуваат бројни чудовишта. Во замокот случајно доаѓа момчето Џонатан и меѓу него и Мејвис се раѓа љубов. Дракула е заштитнички настроен кон својата ќерка и прави сè да ја спречи таа врска. Истовремено, тој гледа со омраза кон луѓето, кои своевремено ја убиле неговата сакана жена. Напорите на Дракула успеваат и Џонатан го напушта замокот. Гледајќи дека Мејвис е разочарана, во последен миг, со помош на луѓето, Дракула го враќа Џонатан во замокот, а истовремено успева да се спријатели со луѓето.[1]