Хауард Финел
| Хауард Финел | |
|---|---|
| Роден(а) | октомври 27, 1894 Оукли, Мисисипи |
| Починал(а) | септември 7, 1960 (возр. 65) Калифорнија |
| Националност | американско |
| Занимање | Агроном и специјалист за ерозија |
| Познат(а) по | Пронашол методи за зачувување на почвата од ерозија за време на песочните бури во 1930-тите |
Хенри Хауард Финел (27 октомври 1894 – 7 септември 1960 година) бил агроном и специјалист за ерозија кој бил пионер во методите за борба против ерозијата на почвата за време на песочните бури што ја погодиле Северна Америка во 1930-тите.
Роден е во Оукли, округот Хиндс, Мисисипи, син на Џеси и Џеруша Финел.[1] Кога бил дете, неговото семејство се преселило на Индијанската територија.[2] Дипломирал на земјоделскиот и механички колеџ во Оклахома (OAMC) во 1917 година.[3][1]
Тој бил надзорник на Истражувачката станица OAMC од 1917 до 1920 година и директор на Експериментската станица Пенхендл A&M од 1923 до 1934 година.[3] Направил серија студии и објавил извештаи во кои се наведени поефикасни методи за искористување на водата во полусушниот јужен регион Големите Рамнини, како што се терасирање и контурно орање.[2] Неговите наоди главно биле игнорирани додека продолжената суша од 1930-тите не довела до песочните олуји. Во 1934 година, федералната служба за ерозија на почвата го основале Проектот за контрола на ерозијата на ветерот Далхарт и го поставиле Финел на чело.[4]
Следната година, бил испратен да раководи со канцеларијата на Регион 6 на Службата за зачувување на почвата (наследник на службата за ерозија на почвата) или во Амарило[4] или во Далхарт, Тексас.[2] Бил одговорен за напорите за зачувување на целиот регион кој бил погоден од песочните бури во 1930-тите.[4] Неговите идеи биле ставени на тест и се покажале исклучително успешни. До мај 1936 година, речиси 40.000 земјоделци ги прифатиле неговите методи, „и 5,5 милиони хектари биле под ново терасовидно и контурирано одгледување. На крајот на 1937 година, и покрај постојаните бури од прашина, количината на опасно еродирана земја била намалена за повеќе од половина.“[2] Тој останал регионален директор до 1942 година.
Финел продолжил да ја проучува ерозијата на ветерот и користењето на земјиштето за владата до неговото пензионирање во 1959 година.[2] Починал следната година во својот дом во Калифорнија.
Наводи
[уреди | уреди извор]- 1 2 Lloyd, James B. (2009). Lives of Mississippi Authors, 1817-1967. Univ. Press of Mississippi. стр. 170. ISBN 978-1604734119. Посетено на November 19, 2012.
- 1 2 3 4 5 „Henry Howard Finnell“. PBS. Архивирано од изворникот на 2020-08-08. Посетено на November 19, 2012.
- 1 2 „H. H. Finnell Collection: Papers, 1928-1954“. Oklahoma State University Library. Посетено на June 22, 2017.
- 1 2 3 „Dust Bowl“. Texas State Historical Association. 2010-06-12. Посетено на November 19, 2012.
Надворешни врски
[уреди | уреди извор]- Henry Howard Finnell на Find a Grave (англиски)